മുതുകുളം: ആലപ്പുഴയില്‍ ബൈക്ക് നിയന്ത്രണം തെറ്റി വൈദ്യുത പോസ്റ്റിലിടിച്ച് സൈനികൻ മരിച്ചു. മുതുകുളം വടക്ക് കൊട്ടാരത്തിൽ വടക്കതിൽ വിഷ്ണു (32) ആണ് മരിച്ചത്.
കഴിഞ്ഞദിവസം പുലർച്ചെ നാലു മണിയോടെ കായംകുളം- കാർത്തികപ്പള്ളി റോഡിൽ മുരിങ്ങച്ചിറ ജംഗ്ഷന് സമീപമാണ് അപകടം നടന്നത്. ബൈക്ക് നിയന്ത്രണം തെറ്റി വൈദ്യുത പോസ്റ്റിലിടിക്കുകയായിരുന്നു. എയർഫോഴ്സ് അംബാല യൂണിറ്റിലെ സൈനികനായിരുന്നു വിഷ്ണു. ഒരാഴ്ച മുൻപാണ് വിഷ്ണു നാട്ടിലെത്തിയത്.
മൃതദേഹം പോസ്റ്റ്മോർട്ടത്തിന് ശേഷം ബന്ധുക്കൾക്ക് കൈമാറി. സംസ്കാരം നാളെ വൈകിട്ട് മൂന്ന് മണിക്ക് നടക്കും. ഭാര്യ: എ.എസ്.ആര്യ. മക്കൾ: അവന്തിക, അവനിക.
Post Your Comments