ഒളരിക്കര കാളിദാസൻ ചരിഞ്ഞു

പെരുമ്പിലാവ്: ഒളരിക്കര ക്ഷേത്രത്തിന്റെ ആനയായ കാളിദാസൻ ചരിഞ്ഞു. 37 വയസ്സായിരുന്നു. കാളിദാസൻ ഞായറാഴ്ച കടവല്ലൂരിലെ കെട്ടുതറിയിൽ കുഴഞ്ഞുവീഴുകയായിരുന്നു. ഹൃദയാഘാതമാണ് മരണ കാരണമെന്നാണ് നിഗമനം.

രണ്ട് ദിവസമായി ആന തീറ്റയെടുത്തിരുന്നില്ല. നീരിലായിരുന്ന കാളിദാസനെ കഴിഞ്ഞ ദിവസമാണ് അഴിച്ചത്. ഇന്നലെ അർദ്ധരാത്രിയോടെ കാളിദാസൻ ചരിയുകയായിരുന്നു.