റിയാദ്: 12 വയസ്സുകാരൻ ഓടിച്ച കാറിടിച്ചു പിതാവിന് ദാരുണാന്ത്യം. സൗദി അറേബ്യയിലെ നജ്‌റാനിലാണ് സംഭവം. മകനെ ഡ്രൈവിംഗ് പരിശീലിപ്പിക്കാൻ ശ്രമിക്കുന്നതിനിടെയായിരുന്നു അപകടം ഉണ്ടായത്. മകൻ തനിയെ കാറോടിക്കാൻ ശ്രമിക്കുന്നതിനിടെ നിയന്ത്രണം വിട്ട് പിതാവിനെ ഇടിക്കുകയായിരുന്നു.
അപകടം നടന്നുവെന്ന് വിവരം ലഭിച്ചതിന്റെ അടിസ്ഥാനത്തിൽ രക്ഷാപ്രവർത്തകരും ആംബുലൻസും സംഭവ സ്ഥലത്തെത്തി. അപകടസ്ഥലത്ത് ചെന്നപ്പോൾ കാറിടിച്ച് ഗുരുതരാവസ്ഥയിൽ കിടക്കുന്ന 65 കാരനെയാണു കണ്ടതെന്നും ഉടൻ അദ്ദേഹത്തെ കിങ് ഖാലിദ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ലെന്നും സൗദി റെഡ് ക്രസന്റ് വക്താവ് വ്യക്തമാക്കി.
Read Also: ഇലക്ട്രിക്കൽ എൻജിനീയറെ കടലിൽ കാണാതായ സംഭവത്തിൽ ദുരൂഹത; ഒരിക്കലും ജീവനൊടുക്കില്ലെന്ന് കുടുംബം
Post Your Comments