കോഴിക്കോട്: ചാലിയത്ത് തീകൊളുത്തി ആത്മഹത്യയ്ക്ക് ശ്രമിച്ച് ചികിത്സയിലായിരുന്ന യുവതി മരിച്ചു. ഷഫീദ (40) ആണ് മരിച്ചത്. രാവിലെ മെഡിക്കൽ കോളേജ് ആശുപത്രിയിൽ വച്ചാണ് മരിച്ചത്.
ഭർത്താവും ഭർത്താവിന്റെ കുടുംബവും മാനസികമായി പീഡിപ്പിച്ചതിനെ തുടർന്നാണ് ഷഫീദ തീകൊളുത്തി ആത്മഹത്യയ്ക്ക് ശ്രമിച്ചത്. ഭർത്താവിനെതിരെ ഇവർ മരണമൊഴി നൽകിയിരുന്നു. ആത്മഹത്യാ പ്രേരണകുറ്റത്തിന് അറസ്റ്റിലായ ഭർത്താവ് ജാഫർ ഇപ്പോൾ റിമാൻഡിലാണ്.
ഇതിനിടെ മരണത്തിൽ ദുരൂഹതയുണ്ടെന്ന് ആരോപിച്ച് ഷഫീദയുടെ കുടുംബം രംഗത്തെത്തി. തീ കത്തുമ്പോൾ ഭർത്താവ് ജാഫർ നോക്കി നിന്നു. ഭർത്താവിന്റെ സഹോദരൻ ഉൾപ്പെടെ ബന്ധുക്കളും ഷഫീദയെ മാനസികമായി പീഡിപ്പിച്ചു. വിശദമായ പൊലീസ് അന്വേഷണം വേണമെന്ന് ഷഫീദയുടെ സഹോദരൻ മുഹമ്മദ് റഫീഖ് ആവശ്യപ്പെട്ടു.
Post Your Comments