ആപ്പിളിന്റെ വാച്ചിന് സമാനമായ ഡിസൈനുള്ള സ്മാർട്ട് വാച്ചുമായി എത്തിയിരിക്കുകയാണ് ഇന്ത്യൻ കമ്പനിയായ പിട്രോൺ. ആപ്പിൾ വാച്ചുമായി സാദൃശ്യമുള്ള പിട്രോൺ ഫോഴ്സ് എക്സ്12എൻ സ്മാർട്ട് വാച്ചാണ് കമ്പനി വിപണിയിൽ പുറത്തിറക്കിയിരിക്കുന്നത്. ഒറ്റനോട്ടത്തിൽ കണ്ടാൽ ആപ്പിൾ വാച്ചാണെന്ന് തോന്നിക്കുമെങ്കിലും, ഇവയുടെ സവിശേഷതകളിൽ ഒട്ടനവധി വ്യത്യാസങ്ങൾ ഉണ്ട്. പ്രധാനമായും യുവാക്കളെ ആകർഷിക്കാനാണ് വാച്ചിന് ഇത്തരമൊരു ഡിസൈൻ കമ്പനി നൽകിയിരിക്കുന്നത്. പ്രധാന ഫീച്ചറുകൾ എന്തൊക്കെയെന്ന് അറിയാം.
ചതുരാകൃതിയിലുള്ള 1.85 ഇഞ്ച് എച്ച്ഡി സ്ക്രീനാണ് ഇവയ്ക്ക് നൽകിയിരിക്കുന്നത്. മൾട്ടി- സ്പോർട്സ് മോഡും, 130- ലധികം വാച്ച് ഫെയ്സുകളും ലഭ്യമാണ്. അലോയ് മെറ്റൽ കേസിംഗിൽ നിർമ്മിച്ച ഭാരം കുറഞ്ഞ സ്മാർട്ട് വാച്ചെന്ന പ്രത്യേകതയും ഇവയ്ക്കുണ്ട്. അഞ്ച് ദിവസം വരെയാണ് ബാറ്ററി ബാക്കപ്പ് വാഗ്ദാനം ചെയ്യുന്നത്. ഹൃദയമിടിപ്പ് മോണിറ്റർ, ഗൈഡഡ് ബ്രീത്തിംഗ് എക്സർസൈസുകൾ, സ്ലീപ് ട്രാക്കർ, എസ്പിഒ2, ഡെയിലി ആക്ടിവിറ്റി ട്രാക്കർ എന്നിവ ഉൾക്കൊള്ളിച്ചിട്ടുണ്ട്.
പ്രധാനമായും ബ്ലേസിംഗ് ബ്ലൂ, ഗോൾഡ് ബ്ലാക്ക്, കാർബൺ ബ്ലാക്ക്, ഷാംപെയിൻ പിങ്ക് എന്നിങ്ങനെ 4 കളർ വേരിയന്റുകളിൽ സ്മാർട്ട് വാച്ച് ലഭ്യമാണ്. ഒരു വർഷത്തെ വാറന്റി വാഗ്ദാനം ചെയ്യുന്നുണ്ട്. പിട്രോൺ ഫോഴ്സ് എക്സ്12എൻ സ്മാർട്ട് വാച്ചിന്റെ ഇന്ത്യൻ വിപണി വില 1,499 രൂപയാണ്. എന്നാൽ, ആമസോൺ മുഖാന്തരം ഓഫർ വിലയായ 1,199 രൂപയ്ക്ക് വാങ്ങാൻ സാധിക്കും.
Post Your Comments