കൊച്ചി: കൊച്ചിയില്‍ യുവാവിനെ കുത്തിക്കൊന്ന കേസിലെ പ്രതി പിടിയില്‍. തൃശൂ‍ർ സ്വദേശി ആഗ്നൻ ആണ് അറസ്റ്റിലായത്.
കർണാടകയിലെ ചിക്കമംഗലൂരിൽ നിന്നാണ് ഇയാൾ പിടിയിലായത്. പാലക്കാട് സ്വദേശിയായ സന്തോഷാണ് രണ്ടാഴ്ച മുമ്പ് കൊല്ലപ്പെട്ട സംഭവത്തിലാണ് അറസ്റ്റ്. വാക്കു തര്‍ക്കതിനിടെ ആഗ്നൻ സന്തോഷിനെ കുത്തുകയായിരുന്നു.
ഈ മാസം മൂന്നിനാണ് എറണാകുളം കെ എസ് ആ‍ർ ടിസി ബസ് സ്റ്റാൻ‍ഡിന് സമീപം പുലർച്ചെ നാല് മണിയോടെ സന്തോഷിന്‍റെ മൃതദേഹം കണ്ടെത്തിയത്. എറണാകുളം സെന്‍ട്രൽ പൊലീസാണ് കേസില്‍ അന്വേഷണം നടത്തി പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കും.
Post Your Comments