ബിഎസ്എഫിൽ അവസരം, ഒഴിവുകളിലേക്ക് അപേക്ഷിക്കാം: വിശദവിവരങ്ങൾ

ബിഎസ്എഫ് കോണ്‍സ്റ്റബിള്‍, എച്ച്‌സി (വെറ്റിനറി) തസ്തികകളിലേക്ക് അപേക്ഷ ക്ഷണിക്കുന്നു. താല്‍പ്പര്യമുള്ള ഉദ്യോഗാര്‍ത്ഥികള്‍ക്ക് rectt.bsf.gov.in എന്ന വെബ്‌സൈറ്റില്‍ ഓണ്‍ലൈനായി അപേക്ഷിക്കാം. അപേക്ഷിക്കാനുള്ള അവസാന തീയതി മാര്‍ച്ച് 6. ഈ റിക്രൂട്ട്‌മെന്റിലൂടെ 26 ഒഴിവുകൾ നികത്തും. ഇതില്‍ 18 എണ്ണം എച്ച്സി (വെറ്റിനറി) തസ്തികയിലും 8 എണ്ണം കോണ്‍സ്റ്റബിള്‍ തസ്തികയിലുമാണ്. 18 മുതല്‍ 25 വയസ് വരെ പ്രായമുള്ളവര്‍ക്ക് അപേക്ഷിക്കാം.

വെറ്റിനറി തസ്തികയിലേക്കുള്ള അപേക്ഷകര്‍ അംഗീകൃത ബോര്‍ഡില്‍ നിന്ന് 12-ാം ക്ലാസ് പൂര്‍ത്തിയാക്കിയിരിക്കണം. അപേക്ഷകര്‍ ഏതെങ്കിലും അംഗീകൃത സ്ഥാപനത്തില്‍ നിന്ന് വെറ്റിനറി സ്റ്റോക്ക് അസിസ്റ്റന്റില്‍ കുറഞ്ഞത് ഒരു വര്‍ഷത്തെ കോഴ്സ് പൂര്‍ത്തിയാക്കിയിരിക്കണം.

ആ സംഭവത്തിന് ശേഷം ആളുകള്‍ എന്നെ വെറുത്തു, അറിഞ്ഞു കൊണ്ട് അപമാനിക്കുന്ന തരത്തില്‍ പലതും ചോദിച്ചിരുന്നു: മംമ്ത

കോണ്‍സ്റ്റബിള്‍ തസ്തികയിലേക്ക് അപേക്ഷിക്കുന്ന ഉദ്യോഗാര്‍ത്ഥികള്‍ അംഗീകൃത ബോര്‍ഡില്‍ നിന്ന് പത്താം ക്ലാസ് പൂര്‍ത്തിയാക്കിയിരിക്കണം. സര്‍ക്കാര്‍ മൃഗാശുപത്രിയില്‍ നിന്നോ ഡിസ്‌പെന്‍സറിയില്‍ നിന്നോ വെറ്റിനറി കോളേജില്‍ നിന്നോ സര്‍ക്കാര്‍ ഫാമില്‍ നിന്നോ മൃഗങ്ങളെ കൈകാര്യം ചെയ്യുന്നതില്‍ രണ്ട് വര്‍ഷത്തെ പരിചയം നേടിയിരിക്കണം.