കൊടുങ്ങല്ലൂർ: ഭർത്താവിന്റെ സുഹൃത്തെന്ന വ്യാജേന യുവതിയെ വീട്ടിൽ കയറി പീഡിപ്പിക്കാൻ ശ്രമിച്ച യുവാവ് പൊലീസ് പിടിയിൽ. കൊടുങ്ങല്ലൂർ ലോകമല്ലേശ്വരം തണ്ടാംകുളം പതിയാശേരി വീട്ടിൽ പ്രനീഷ് എന്ന ശങ്കരനെയാണ് (35) അറസ്റ്റ് ചെയ്തത്.
ഈ മാസം ഒന്നിനായിരുന്നു കേസിനാസ്പദ സംഭവം നടന്നത്. സംഭവശേഷം ഒളിവിൽപോയ ഇയാളെ ബുധനാഴ്ചയാണ് അറസ്റ്റ് ചെയ്തത്.
കൊടുങ്ങല്ലൂർ ഇൻസ്പെക്ടർ ഇ.ആർ. ബൈജുവും സംഘവും ചേർന്നാണ് പ്രതിയെ അറസ്റ്റ് ചെയ്തത്. എസ്.ഐ സുരേഷ്, എ.എസ്.ഐ മുഹമ്മദ് സിയാദ്, സീനിയർ സി.പി.ഒ സി.ടി. രാജൻ, സി.പി.ഒ ഫൈസൽ എന്നിവരും അന്വേഷണ സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments