പുനലൂര്‍: മദ്യപിച്ചു വാഹനം ഓടിച്ചതിന് പുനലൂര്‍ പൊലീസ് പിടികൂടിയ യുവാവ് സ്‌റ്റേഷനില്‍വെച്ച് പൊലീസ് ഉദ്യോഗസ്ഥർക്ക് നേരെ ആക്രമണം നടത്തി. തിങ്കളാഴ്ച വൈകീട്ട് 6.45ന് ആണ് സംഭവം. വാളക്കോട് ഹൈസ്‌കൂള്‍ വാര്‍ഡില്‍ ദര്‍ഭവിള വീട്ടില്‍ ഷാനെ (30) കെ.എസ്.ആര്‍.ടി.സി ജങ്ഷനില്‍ മദ്യപിച്ച് ബൈക്ക് ഓടിച്ചതിന് പൊലീസ് സ്റ്റേഷനില്‍ കൊണ്ടുവന്ന് കേസ് രജിസ്റ്റര്‍ ചെയ്തിരുന്നു.
സംഭവമറിഞ്ഞ് ഇയാളുടെ ഭാര്യയും മാതാവും സ്‌റ്റേഷനിലെത്തി. അവരുമായി സംസാരിച്ചു നില്‍ക്കവേ ഷാന്‍ ഭാര്യയെ ഉപദ്രവിച്ചു. ഇത് തടയാന്‍ ശ്രമിച്ച പൊലീസുകാരെ ഇയാള്‍ കൈയേറ്റം ചെയ്യുകയായിരുന്നു. തുടര്‍ന്ന്, മറ്റ് ഉദ്യോഗസ്ഥരും ഭാര്യയും മാതാവും ചേര്‍ന്നാണ് ഇയാളെ പിടിച്ചു മാറ്റിയത്. പിന്നാലെ, ഇന്‍സ്‌പെക്ടര്‍ രാജേഷ് കുമാറിന്റെ നേതൃത്വത്തില്‍ പ്രതിയെ അറസ്റ്റ് ചെയ്യുകയും ചെയ്തു.
ഇയാളുടെ ആക്രമണത്തില്‍ പരിക്കേറ്റ സി.പി.ഒ അരുണിനെ താലൂക്കാശുപത്രിയില്‍ പ്രവേശിപ്പിച്ചു. പ്രതിയെ പുനലൂര്‍ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
Post Your Comments