നി​യ​ന്ത്ര​ണം​വി​ട്ട ബൈ​ക്ക് മ​റ്റൊ​രു ബൈ​ക്കി​ലും സ്കൂ​ൾ ബ​സി​ലു​മി​ടി​ച്ച് അപകടം : ര​ണ്ടു പേ​ർ​ക്ക് പ​രി​ക്ക്

രാ​ജാ​ക്കാ​ട്: നി​യ​ന്ത്ര​ണം ​വി​ട്ട ബൈ​ക്ക് മ​റ്റൊ​രു ബൈ​ക്കി​ലും സ്കൂ​ൾ ബ​സി​ലു​മി​ടി​ച്ച് ര​ണ്ടു പേ​ർ​ക്ക് പ​രി​ക്കേറ്റു. ബൈ​ക്ക് ഓ​ടി​ച്ചി​രു​ന്ന വെ​ള്ള​ത്തൂ​വ​ൽ കാ​ക്കാ​സി​റ്റി പെ​ന്നോ​ത്ത് ത​ങ്ക​ച്ച​ന്‍റെ മ​ക​ൻ എ​ബി​ൻ(20), ഇ​ടു​ക്കി സൈ​ബ​ർ സെ​ൽ എ​സ്ഐ രാ​ജാ​ക്കാ​ട് ഊ​ന്ന​നാ​ൽ ജി​ജി എ​ന്നി​വ​ർ​ക്കാ​ണ് പ​രി​ക്കേ​റ്റ​ത്. മു​ല്ല​ക്കാ​നം സാ​ൻ​ജോ കോ​ള​ജി​ലെ ഡി​ഗ്രി വി​ദ്യാ​ർത്ഥിയാണ് എ​ബി​ൻ.

ഇ​ന്ന​ലെ രാ​വി​ലെ 8.50-ന് ആണ് സംഭവം. ​രാ​ജാ​ക്കാ​ട് പൊ​ന്മു​ടി റോ​ഡി​ൽ സി​ൻ​സി​യ​ർ ഓ​ട്ടോ​മൊ​ബൈ​ൽ വ​ർ​ക്ക് ഷോ​പ്പി​നു മു​ൻ​വ​ശ​ത്തു​ള്ള റോ​ഡി​ലാ​ണ് അ​പ​ക​ടം നടന്ന​ത്. എ​ബി​ൻ വീ​ട്ടി​ൽ ​നി​ന്ന് കോ​ള​ജി​ലേ​ക്കു പോ​കു​ന്ന വ​ഴി​യാ​ണ് നി​യ​ന്ത്ര​ണം​ വി​ട്ട് ജി​ജി​യു​ടെ ബൈ​ക്കി​ന്‍റെ സൈ​ല​ൻ​സ​റും സീ​റ്റും ഇ​ടി​ച്ചു ​തെ​റി​പ്പി​ച്ച് എ​തി​ർ​വ​ശ​ത്ത് വ​ശം ചേ​ർ​ത്തു നി​ർ​ത്തി​യ സ്കൂ​ൾ ബ​സി​ന്‍റെ മു​ൻ​ഭാ​ഗ​ത്ത് ഇ​ടി​ച്ച​ത്.

Read Also : സംസ്ഥാനത്ത് പോക്‌സോ കേസുകളിൽ വൻ വർധന; കഴിഞ്ഞ വർഷം റിപ്പോര്‍ട്ട് ചെയ്തത് 4215 കേസുകള്‍ 

ബ​സി​ന​ടി​യി​ൽ കു​ടു​ങ്ങി​യ എ​ബി​നെ സ​മീ​പ​ത്തെ വ​ർ​ക്ക്ഷോ​പ്പ് ജീ​വ​ന​ക്കാ​രും നാ​ട്ടു​കാ​രും ചേ​ർ​ന്നാണ് പു​റ​ത്തെ​ടു​ത്തത്. തുടർന്ന്, രാ​ജാ​ക്കാ​ട്ടെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ച് ചി​കി​ത്സ ന​ൽ​കി വി​ദ​ഗ്ധ ചി​കി​ത്സ​ക്കാ​യി അ​ടി​മാ​ലി​യി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പ​രി​ക്കേ​റ്റ എ​സ്ഐ ജി​ജി​യെ രാ​ജാ​ക്കാ​ട്ടെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചു. തുടർന്ന്, കൈ​ക്കു പൊ​ട്ട​ൽ ഉ​ള്ള​തി​നാ​ൽ മു​രി​ക്കാ​ശേ​രി​യി​ലെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.