ഹിമയുഗ കാലത്ത് ഭൂമിക്ക് സമീപം സന്ദർശിച്ച ഉൽക്ക വീണ്ടും എത്തുന്നു, ഇന്ന് രാത്രി മുതൽ നഗ്നനേത്രങ്ങൾ കൊണ്ട് കാണാൻ അവസരം

ഹിമയുഗ കാലത്ത് ഭൂമിക്ക് സമീപത്ത് കൂടി സഞ്ചരിച്ച ഉൽക്കയെ വർഷങ്ങൾക്ക് ശേഷം വീണ്ടും ഭൂമിയിൽ നിന്ന് കാണാൻ അവസരം. ജനുവരി 12- നാണ് ഈ ഉൽക്ക സൂര്യനോട് ഏറ്റവും അടുത്തെത്തുന്നത്. പിന്നീടുള്ള ദിവസങ്ങളിൽ ഉൽക്കയെ ഭൂമിക്ക് സമീപം തന്നെ നഗ്നനേത്രങ്ങൾ കൊണ്ട് കാണാൻ സാധിക്കുമെന്നാണ് വാനനിരീക്ഷകരുടെ വിലയിരുത്തൽ. സൂര്യന്റെ 16 കോടി കിലോമീറ്റർ അടുത്ത് വരെയാണ് C/2022 E3 (ZTF) എന്ന പേര് നൽകിയിരിക്കുന്ന ഉൽക്ക എത്തുക.

ആദ്യ ഘട്ടത്തിൽ സൂര്യനെയാണ് വലം വെക്കുക. ഈ സമയത്ത് നഗ്നനേത്രങ്ങൾ കൊണ്ട് ഉൽക്കയെ നിരീക്ഷിക്കാൻ സാധിക്കില്ല. അതിന് ദൂരദർശനികളുടെ സഹായം ആവശ്യമാണ്. സൂര്യനെ വലം വച്ച ശേഷം, പിന്നീടുള്ള ദിവസങ്ങളിൽ ഭൂമിയിൽ നിന്ന് 4.2 കോടി കിലോമീറ്റർ അകലെയാണ് ഉൽക്ക സഞ്ചരിക്കുക. ഈ വേളയിൽ ഭൂമിയിൽ നിന്നും ഉൽക്കയെ നഗ്നനേത്രങ്ങൾ കൊണ്ട് കാണാൻ കഴിയും. അരലക്ഷം വർഷങ്ങൾ കൂടുമ്പോഴാണ് ഈ ഉൽക്ക സൂര്യനു ചുറ്റുമുള്ള ഭ്രമണം പൂർത്തിയാക്കുന്നത്.

Also Read: മരണം തൊട്ടടുത്ത് എത്തിയോ എന്ന് ചില പ്രകടമായ ലക്ഷണങ്ങൾ മൂലം അറിയാൻ സാധിക്കും: ഗരുഡപുരാണത്തിലെ സൂചനകൾ

ഫെബ്രുവരി രണ്ടിനാണ് ഭൂമിയോട് ഏറ്റവും അടുത്ത് ഉൽക്ക എത്തുക. ഈ ദിവസങ്ങളിൽ പരമാവധി തെളിച്ചത്തോടുകൂടി കാണാനാകും. ഇന്ത്യ ഉൾപ്പെടുന്ന ഉത്തരാർധഗോളത്തിലെ രാജ്യങ്ങളിലുള്ളവർക്ക് പുലർച്ചെയായിരിക്കും ഉൽക്ക ദൃശ്യമാകുക. അതേസമയം, ദക്ഷിണാർധഗോളത്തിലെ രാജ്യങ്ങളിലുള്ളവർക്ക് രാത്രിയിലായിരിക്കും
ഉൽക്കയെ കാണാനാവുക.