ന്യൂഡൽഹി: ബലാത്സംഗം ചെയ്ത കൗമാരക്കാരന്റെ അമ്മയെ വെടി വച്ച 16-കാരി പൊലീസിന്റെ പിടിയിലായി. ഡൽഹിയിലെ ഭജൻപുരയിലാണ് സംഭവം. പീഡിപ്പിച്ചവന്റെ 50-കാരിയായ അമ്മയെ പെൺകുട്ടി പിസ്റ്റലുപയോഗിച്ച് ആക്രമിക്കുകയായിരുന്നു.
2021ൽ കൗമാര പ്രായ ക്കാരന്‍ പെൺകുട്ടിയെ ബലാത്സംഗം ചെയ്തിരുന്നുവെന്നാണ് ആരോപണം. ഇതിന് പ്രതികാരം വീട്ടുന്നതിന് പീഡിപ്പിച്ച ആൺകുട്ടിയുടെ അമ്മയെ പെണ്‍കുട്ടി വെടിവെച്ച് പരിക്കേൽപ്പിക്കുകയായിരുന്നു.
മേഖലയിൽ പലച്ചരക്ക് സാധനങ്ങൾ വിൽക്കുന്ന കടയുടെ ഉടമയാണ് പരിക്കേറ്റ സ്ത്രീ. ഇവരുടെ മകന് 18 വയസിന് താഴെയാണ് പ്രായം. നിലവിൽ ജിടിബി ആശുപത്രിയിൽ ചികിത്സയിലാണ് ആക്രമണത്തിൽ പരിക്കേറ്റ 50-കാരി. സംഭവത്തിൽ അന്വേഷണം ആരംഭിച്ചു.
Post Your Comments