പിടി സെവനെ പിടിക്കാൻ ദൗത്യ സംഘം ഇന്നെത്തും; എത്തുന്നത് രണ്ട് കുങ്കി ആനകൾ ഉൾപ്പെടെ 22 അംഗ സംഘം 

ധോണി: പാലക്കാട് ജില്ലയിലെ ധോണിയിലും ഭീതി പരത്തുന്ന പിടി സെവനെ പിടിക്കാൻവയനാട്ടില്‍ നിന്ന് 22 അംഗ ദൗത്യ സംഘം ഇന്നെത്തും.

രണ്ട് കുങ്കി ആനകൾ ഉൾപ്പെടെ സംഘമാണ് പാലക്കാട് എത്തുക. ആനയെ മെരുക്കാനുള്ള കൂടും ധോണിയിൽ തന്നെ ഒരുക്കും. ഇതിനുള്ള നടപടികളും ഇന്ന് തുടങ്ങും.

ആനയെ നിരീക്ഷിച്ച ശേഷമാകും മയക്കുവെടി വയ്ക്കുന്നതടക്കമുള്ള കാര്യങ്ങള്‍ തീരുമാനിക്കുക. ഇതിനായി അടുത്ത ദിവസങ്ങളിൽ ദൗത്യ സംഘത്തിൻ്റെ പട്രോളിങ് ഉണ്ടാകും. അപായ സാധ്യതകൾ പരമാവധി കുറച്ചാകും പിടി സെവനെ പിടികൂടുന്നതിലേക്ക് കടക്കുക.