വ്യത്യസ്ത കേസുകളിൽ അനധികൃത വിദേശ മദ്യവുമായി രണ്ട് പേര്‍ പൊലീസ് പിടിയിൽ

മലപ്പുറം: 8.5 ലിറ്റര്‍ വിദേശ മദ്യവുമായി യുവാവ് പൊലീസ് പിടിയിൽ. മക്കരപ്പറമ്പ് കാച്ചിനിക്കാട് സ്വദേശിയായ ചോലക്കല്‍ അനീസുര്‍ റഹ്മാന്‍ (38) ആണ് പിടിയിലായത്.

പുതുവത്സരാഘോഷത്തിന്‍റെ ഭാഗമായി പ്രദേശത്ത് അനധികൃത മദ്യവില്‍പ്പന നടക്കാന്‍ സാധ്യതയുണ്ടെന്നും രഹസ്യ വിവരം ലഭിച്ചു. ഇതിന്‍റെ അടിസ്ഥാനത്തില്‍ പൊലീസ് പ്രദേശത്ത് നിരീക്ഷണം ശക്തമാക്കിയിരുന്നു. തുടര്‍ന്ന്, നടത്തിയ പരിശോധനയിലാണ് പ്രതിയെ ഓരോടംപാലത്ത് വെച്ച് മങ്കട എസ് ഐ സി കെ നൗഷാദിന്‍റെ നേതൃത്വത്തിലുള്ള സംഘം പിടികൂടിയത്.

Read Also : കട്ടപ്പനയിൽ അയ്യപ്പഭക്തരുടെ വാഹനം കാർ പോർച്ചിന് മുകളിലേക്ക് മറിഞ്ഞ് 16 പേർക്ക് പരിക്ക്

മദ്യക്കടത്തിന് ഉപയോഗിച്ച സ്‌കൂട്ടറും പൊലീസ് കസ്റ്റഡിയിലെടുത്തിട്ടുണ്ട്. അന്വേഷണ സംഘത്തില്‍ എസ് ഐമാരായ അലവിക്കുട്ടി, സതീഷ്, എ എസ് ഐമാരായ അബ്ദുല്‍ സലീം, മുരളികൃഷ്ണദാസ്, എസ് സി പി ഒമാരായ മുഹമ്മദ് ഫൈസല്‍, പ്രീതി, പൊലീസുകാരായ ബാലകൃഷ്ണന്‍, രജീഷ്, ഫവാസ്, റീന, അജിത, ഹോം ഗാര്‍ഡ് ഉണ്ണിക്കൃഷ്ണന്‍ എന്നിവരും ഉണ്ടായിരുന്നു.

സമാനമായ സംഭവത്തിൽ വെള്ളില നിരവില്‍ വച്ച് 3.5 ലിറ്റര്‍ വിദേശ മദ്യവുമായി ഒരാളെ മങ്കട പൊലീസ് പിടികൂടി. മങ്കട കടന്നമണ്ണ കാളപൂട്ടുകണ്ടം സ്വദേശിയായ കുട്ടപ്പുലാന്‍ അബൂബക്കറിനെയാണ് (32) വിദേശമദ്യവുമായി പോകവെ മങ്കട എസ് ഐ. സി കെ നൗഷാദിന്‍റെ നേതൃത്വത്തിലുള്ള സംഘം പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.