കൊച്ചി: ഓടിക്കൊണ്ടിരുന്ന കാറിന് തീപിടിച്ചു. മൂവാറ്റുപുഴയിലാണ് സംഭവം. കച്ചേരിത്താഴത്ത് വെച്ചാണ് കാറിന് തീപിടിച്ചത്. രാവിലെ ഒമ്പതരയോടെയാണ് അപകടം നടന്നത്. മലപ്പുറം തിരൂർ സ്വദേശികൾ സഞ്ചരിച്ചിരുന്ന വാഹനത്തിനാണ് തീപിടിച്ചത്. മൂന്നുപേർ വാഹനത്തിൽ ഉണ്ടായിരുന്നു.
വാഹനത്തിൽ നിന്നും പുക ഉയരുന്നത് കണ്ടപ്പോൾ യാത്രക്കാർ പുറത്തേക്കിറങ്ങിയതിനാൽ വൻ അപകടം ഒഴിവായി. 10000 രൂപയും, സ്ഥലം ഇടപാടുമായി ബന്ധപ്പെട്ട ചില രേഖകളും കാറിനുള്ളിലുണ്ടായിരുന്നു. ഇതെല്ലാം കത്തി നശിച്ചു. മൂവാറ്റുപുഴ ഫയർഫോഴ്സ് എത്തി തീയണച്ചുവെന്ന് അധികൃതർ അറിയിച്ചു.
Post Your Comments