വിപണി കീഴടക്കാൻ വൺപ്ലസ് 11 5ജി സ്മാർട്ട്ഫോണുകൾ അടുത്ത വർഷം എത്തും

വൺപ്ലസിന്‍റെ ഏറ്റവും പുതിയ ഹാൻഡ്സെറ്റായ വൺപ്ലസ് 11 5ജി അടുത്ത വർഷം മുതൽ വിപണിയിൽ അവതരിപ്പിക്കും. 2023 ഫെബ്രുവരി 7- നാണ് ഈ സ്മാർട്ട് ഫോണുകൾ വിപണിയിൽ എത്തുക. ലോഞ്ചിന് മുന്നോടിയായി ‘ക്ലൗഡ് 11’ എന്ന പേരിൽ പ്രത്യേക ഇവന്റ് സംഘടിപ്പിക്കാനും വൺപ്ലസ് തീരുമാനിച്ചിട്ടുണ്ട്. വൺപ്ലസ് 11 5ജി സ്മാർട്ട്ഫോണുകളിൽ പ്രതീക്ഷിക്കാവുന്ന ഫീച്ചറുകൾ എന്തൊക്കെയെന്ന് പരിചയപ്പെടാം.

6.7 ഇഞ്ച് കർവ്ഡ് അമോലെഡ് ഡിസ്പ്ലേയാണ് ഉണ്ടാവുക. സ്നാപ്ഡ്രാഗൺ 8 ജെൻ 2 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 13 ആണ്. 100 വാട്സ് വയർഡ് ഫാസ്റ്റ് ചാർജിംഗ്, 50 വാട്സ് വയർലെസ് ചാർജിംഗ് സപ്പോർട്ടുമാണ് നൽകിയിരിക്കുന്നത്. 5,000 എംഎഎച്ചാണ് ബാറ്ററി ലൈഫ്.

Also Read: കോവിഡ് കേസുകള്‍ വര്‍ദ്ധിച്ചുവരുന്നതിനിടെ കൊറോണ അണുബാധിതരില്‍ ഗന്ധം നഷ്ടപ്പെടുന്നതിന്റെ കാരണങ്ങള്‍ കണ്ടെത്തി ഗവേഷകര്‍

പ്രീമിയം ഡിസൈനിലാണ് ഈ സ്മാർട്ട്ഫോണുകൾ വിപണിയിലെത്താൻ സാധ്യത. വൃത്താകൃതിയിലുള്ള ക്യാമറ സെറ്റപ്പാണ് പിന്നിൽ നൽകുക. ഫോണിന്റെ വലത് വശത്തായി അലേർട്ട് സ്ലൈഡറും ഉണ്ടായിരിക്കും. മാറ്റ് ഫിനിഷ് ബാക്ക് പാനലാണ് നൽകുക. പ്രധാനമായും ഗ്ലോസി ഗ്രീൻ, മാറ്റ് ബ്ലാക്ക് എന്നിങ്ങനെ രണ്ട് കളർ വേരിയന്റുകളിലാണ് പുറത്തിറക്കാൻ സാധ്യത.