മർദ്ദനത്തെ തുടർന്ന് യുവാവ് മരിച്ച സംഭവം : അച്ഛനും മകനും പിടിയിൽ

കൊച്ചി: മർദ്ദനത്തെ തുടർന്ന് യുവാവ് മരിച്ച സംഭവത്തിൽ അച്ഛനും മകനും പൊലീസ് പിടിയിൽ. എടവനക്കാട് സ്വദേശി സനലാ(34)ണ് മരിച്ചത്. സംഭവത്തിൽ അയൽവാസികളായ വേണു, മകൻ ജയരാജ് എന്നിവരെയാണ് ഞാറക്കൽ പൊലീസ് കസ്റ്റഡിയിലെടുത്തത്.

Read Also : ആസിഡ് എളുപ്പം കിട്ടുന്നത് ഓണ്‍ലൈന്‍ സൈറ്റ് വഴി, ഫ്‌ളിപ് കാര്‍ട്ടിനും ആമസോണിനും നോട്ടീസ്

ബു​ധ​നാ​ഴ്ച രാ​ത്രി 10 ഓ​ടെ​യാ​ണ് മ​ർ​ദ്ദ​ന​മേ​റ്റ് വ​ഴി​യി​ൽ കി​ട​ക്കു​ന്ന നിലയിൽ യു​വാ​വി​നെ നാ​ട്ടു​കാ​ർ ക​ണ്ട​ത്. വേണുവും ജയരാജും ചേർന്ന് സനലിനെ ഇരുമ്പ് വടി ഉപയോഗിച്ചാണ് മർദ്ദിച്ചത്.

അതിർത്തി തർക്കത്തെ തുടർന്നാണ് ഇരുവരും ചേർന്ന് സനലിനെ മർദ്ദിച്ച് കൊലപ്പെടുത്തിയതെന്ന് പൊലീസ് പറഞ്ഞു. ഗുരുതര പരിക്കുകളോടെ എറണാകുളം ജനറൽ ആശുപത്രിയിൽ പ്രവേശിപ്പിക്കപ്പെട്ട സനൽ ഇന്ന് രാവിലെ മരണത്തിന് കീഴടങ്ങി.