വ്യോമസേനയുടെ ഫ്‌ളയിങ്, ഗ്രൗണ്ട് ഡ്യൂട്ടി (ടെക്‌നിക്കല്‍, നോണ്‍ ടെക്‌നിക്കല്‍) ബ്രാഞ്ചുകളില്‍ 258 കമ്മിഷന്‍ഡ് ഓഫിസര്‍ ഒഴിവ്. സ്ത്രീകള്‍ക്കും അവസരം. അപേക്ഷ ഡിസംബര്‍ 30 വരെ. അവിവാഹിതരായിരിക്കണം. AFCAT എന്‍ട്രി (AFCAT-01/2023)/എന്‍സിസി സ്‌പെഷല്‍ എന്‍ട്രിയിലൂടെയാണ് പ്രവേശനം.
ബിഇ/ ബിടെക്, ബികോം/ ബിബിഎ, മറ്റു ബിരുദം, സിഎ/ സിഎംഎ/ സിഎസ്/ സിഎഫ്എ തുടങ്ങിയ യോഗ്യതകളുള്ളവര്‍ക്ക് വിവിധ ബ്രാഞ്ചുകളിലായി അവസരമുണ്ട്. യോഗ്യതാ വിശദാംശങ്ങള്‍ക്കു വിജ്ഞാപനം കാണുക.
ശമ്പളം ( ഫ്‌ളയിങ് ഓഫിസര്‍): 56,100-1,77,500 രൂപ. പരിശീലനസമയത്തു ഫ്‌ളൈറ്റ് കെഡറ്റുകള്‍ക്ക് 56,100 രൂപ സ്‌റ്റൈപന്‍ഡ്.
ഫീസ് : 250 രൂപ. (എന്‍സിസി സ്‌പെഷല്‍ എന്‍ട്രിക്ക് ഫീസില്ല). ഫീസ് ഓണ്‍ലൈനായി അടയ്ക്കണം. എയര്‍ഫോഴ്‌സ് കോമണ്‍ അഡ്മിഷന്‍ ടെസ്റ്റ് (AFCAT) ഓണ്‍ലൈനായി ഫെബ്രുവരി 24, 25, 26 തീയതികളില്‍ നടത്തും. തിരുവനന്തപുരം, കൊച്ചി, തൃശൂര്‍, കണ്ണൂര്‍ എന്നിവിടങ്ങളിലും കേന്ദ്രമുണ്ട്.
Post Your Comments