കൊച്ചി: കൊച്ചിയിൽ പട്ടാപ്പകൽ കാൽനട യാത്രക്കാരിയായ യുവതിക്ക് നടുറോഡിൽ വെച്ച് വെട്ടേറ്റു. അക്രമി ബൈക്കിൽ രക്ഷപ്പെട്ടു. ബംഗാൾ സ്വദേശിനി സന്ധ്യക്കാണ് വെട്ടേറ്റത്.
ഇന്ന് പതിനൊന്ന് മണിയോട് കലൂർ ആസാദ് റോഡിൽ വെച്ചാണ് സംഭവം. ഇവരുടെ മുൻ കാമുകൻ ഫറൂഖാണ് വെട്ടിയതെന്നാണ് ലഭിക്കുന്ന വിവരം. രണ്ട് യുവതികൾ റോഡിലൂടെ നടന്ന് പോകുമ്പോൾ ബൈക്കിലെത്തിയ ഒരാൾ വെട്ടുകയായിരുന്നുവെന്നാണ് സംഭവത്തിന്റെ ദൃക്സാക്ഷി വിശദീകരിച്ചത്. പെൺകുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു.
അക്രമിക്കായി പൊലീസ് അന്വേഷണം ആരംഭിച്ചു.
Post Your Comments