പാലാ: അന്യസംസ്ഥാന തൊഴിലാളിയെ കൊലപ്പെടുത്താന്‍ ശ്രമിച്ച അസാം സ്വദേശി അറസ്റ്റിൽ. അസാം സ്വദേശിയായ കൃഷ്ണഹിര (28)യെയാണ് പാലാ പൊലീസ് അറസ്റ്റ് ചെയ്തത്. ഇയാള്‍ തന്‍റെ സുഹൃത്തായ തുലകന്ത നിരഞ്ജന്‍ ബറുവയെയാണ് കൊലപ്പെടുത്താന്‍ ശ്രമിച്ചത്.
Read Also : സംസ്ഥാനത്ത് മാറ്റമില്ലാതെ ഇന്ധനവില, പ്രധാന നഗരങ്ങളിലെ നിരക്കുകൾ അറിയാം
കഴിഞ്ഞദിവസം രാത്രിയാണ് കേസിനാസ്പദമായ സംഭവം. ഇരുവരും ഉള്ളനാട് വലിയകാവുംപുറം ഭാഗത്തുള്ള പ്ലൈവുഡ് കമ്പനിയില്‍ ജോലി ചെയ്യുകയാണ്. കഴിഞ്ഞദിവസം കമ്പനിയുടെ ക്വാര്‍ട്ടേഴ്‌സില്‍വച്ച് ഇരുവരും തമ്മില്‍ വാക്കുതര്‍ക്കം ഉണ്ടാവുകയും, കൃഷ്ണഹിര കത്തികൊണ്ട് ഇയാളെ കുത്തുകയായിരുന്നു. ഗുരുതരമായി പരിക്കേറ്റ തുലകന്ത നിരഞ്ജന്‍ ബറുവ മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
എസ്‌ഐ എം.ഡി. അഭിലാഷ്, എസ്‌ഐ പി.എസ്. അനില്‍കുമാര്‍, എഎസ്‌ഐ ജേക്കബ്, സിപിമാരായ സി. രഞ്ജിത്ത്, ജസ്റ്റിന്‍, മഹേഷ് എന്നിവരുടെ നേതൃത്വത്തിലാണു പ്രതിയെ അറസ്റ്റ് ചെയ്തത്. പ്രതിയെ കോടതിയില്‍ ഹാജരാക്കി.
Post Your Comments