കൊച്ചി: ഹോസ്റ്റലിന്റെ മുന്നിൽ വെച്ച് വാഹനം ഇടിപ്പിച്ച് കൊല്ലാൻ ശ്രമിച്ചെന്ന പരാതിയുമായി വിദ്യാർത്ഥി രംഗത്ത്. എറണാകുളം നഗരത്തിലെ എസ് എസി എസ് ടി ഹോസ്റ്റലിൽ താമസിക്കുന്ന കണ്ണൂർ സ്വദേശി അഭിജിത്താണ് ആരോപണവുമായി രംഗത്തെത്തിയത്. ഹോസ്റ്റലിനു മുന്നിൽ വെച്ചാണ് സംഭവം.
പട്ടികജാതി വികസന വകുപ്പ് ഓഫീസറുടെ വാഹനമാണ് ഇടിച്ചതെന്നാണ് വിദ്യാർത്ഥി പരാതിയിൽ ആരോപിക്കുന്നത്. അഭിജിത്ത് ഇപ്പോൾ എറണാകുളം ജനറൽ ആശുപത്രിയിൽ ചികിത്സയിലാണ്. ഹോസ്റ്റലിൽ പരിശോധനയ്ക്ക് എത്തിയതായിരുന്നു ജില്ലാ പട്ടികജാതി വികസന വകുപ്പ് ഓഫീസറായ സന്ധ്യ.
എന്നാൽ, അഭിജിത്തിന്റെ ആരോപണം സന്ധ്യ നിഷേധിച്ചു. പരിശോധനയ്ക്ക് എത്തിയ തങ്ങളെ വിദ്യാർത്ഥികൾ തടയുകയായിരുന്നുവെന്നും കൈയ്യേറ്റം ചെയ്തെന്നുമാണ് ഇവരുടെ പരാതി. തന്റെ വാഹനത്തിന്റെ ഡ്രൈവറെയും കൈയ്യേറ്റം ചെയ്തെന്ന് ഇവർ ആരോപിച്ചു.
Post Your Comments