വിപണി കീഴടക്കാൻ നോക്കിയ 2780 ഫ്ലിപ് പുറത്തിറക്കി, വിലയും സവിശേഷതയും അറിയാം

നോക്കിയയുടെ ഏറ്റവും പുതിയ ഹാൻഡ്സെറ്റ് വിപണിയിൽ അവതരിപ്പിച്ചു. നോക്കിയയുടെ ഏറ്റവും പുതിയ മോഡലായ നോക്കിയ 2780 ഫ്ലിപ് ഫോണാണ് പുറത്തിറക്കിയത്. മറ്റ് ഫീച്ചർ ഫോണുകളിൽ നിന്നും വേറിട്ട ഡിസൈനിലാണ് ഈ ഫോണുകളുടെ രൂപകൽപ്പന. സവിശേഷതകൾ പരിചയപ്പെടാം.

അകത്ത് 2.7 ഇഞ്ച് ടിഎഫ്ടി ഡിസ്പ്ലേയും, പുറത്ത് 1.77 ഇഞ്ച് ഡിസ്പ്ലേയുമാണ് നൽകിയിട്ടുള്ളത്. ക്വാൽക്കം 215 പ്രോസസറില്‍ പ്രവർത്തിക്കുന്ന ഈ ഫീച്ചർ ഫോണിൽ എഫ്എം റേഡിയോ, വൈ-ഫൈ 802.11 ബി/ജി/എൻ ഉൾപ്പെടെയുള്ള കണക്ടിവിറ്റി ഓപ്ഷനുകൾ ലഭ്യമാണ്.

Also Read: 2022ലെ അവസാന ചന്ദ്രഗ്രഹണം നവംബര്‍ എട്ടിന്

5 മെഗാപിക്സൽ ക്യാമറയും എൽഇഡി ഫ്ലാഷും ഉൾപ്പെടുത്തിയിട്ടുണ്ട്. പ്രധാനമായും നീല, ചുവപ്പ് കളർ വേരിയന്റുകളിലാണ് വാങ്ങാൻ സാധിക്കുക. നവംബർ 17 മുതലാണ് വിൽപ്പന ആരംഭിക്കുന്നത്. നോക്കിയ 2780 ഫ്ലിപ്പിന്റെ വില 90 ഡോളറാണ് (ഏകദേശം 7,450 രൂപ).