കിടിലൻ ഫീച്ചർ! വിപണി കീഴടക്കാൻ പുതിയ ഫീച്ചർ ഫോണുമായി ജിയോ എത്തി

ഫീച്ചർ ഫോൺ ഉപഭോക്താക്കൾക്ക് സന്തോഷ വാർത്തയുമായി വീണ്ടും ജിയോ എത്തി. ഇത്തവണ കിടിലൻ സവിശേഷതകൾ ഉൾക്കൊള്ളിച്ചിട്ടുള്ള പുതിയ 4ജി ഫീച്ചർ ഫോണാണ് കമ്പനി വിപണിയിൽ എത്തിച്ചേരിക്കുന്നത്. ജിയോയുടെ ഫീച്ചർ ഫോൺ സീരീസായ ജിയോഭാരതിന് കീഴിൽ ജിയോഭാരത് ബി1 എന്ന പേരിലാണ് പുതിയ സ്മാർട്ട്ഫോൺ പുറത്തിറക്കിയിട്ടുള്ളത്. ബഡ്ജറ്റിൽ ഒതുക്കുന്ന ഫീച്ചർ ഫോൺ തിരയുന്നവർക്ക് ജിയോഭാരത് ബി1 മികച്ച ഓപ്ഷനാണ്. ഈ ഫീച്ചർ ഫോണിനെ കുറിച്ചുള്ള കൂടുതൽ വിവരങ്ങൾ അറിയാം.

ജിയോ വെബ്സൈറ്റിൽ ജിയോഭാരത് ബി1 4ജി ഫീച്ചർ ഫോൺ ലിസ്റ്റ് ചെയ്തിട്ടുണ്ട്. 2.4 ഇഞ്ച് ഡിസ്‌പ്ലേ, ആൽഫാന്യൂമറിക് കീപാഡ്, മൾട്ടി-ലിംഗ്വൽ സപ്പോർട്ട്, 2000 എംഎഎച്ച് ബാറ്ററി തുടങ്ങിയ ഫീച്ചറുകൾ ഫോണിലുണ്ട്. മുൻ വേരിയന്റുകളെ അപേക്ഷിച്ച് സ്‌ക്രീനിലും ബാറ്ററി കപ്പാസിറ്റിയിലും നേരിയ നവീകരണം മാത്രമേ ജിയോഭാരത് ബി1 വാഗ്ദാനം ചെയ്യുന്നുള്ളൂ. ജിയോഭാരത് ബി1 4ജി ഫീച്ചർ ഫോണിന് 1299 രൂപയാണ് വില. ഈ ഫോൺ കറുപ്പ് കളറിൽ മാത്രമാണ് ലഭ്യമാകുന്നത്. ആമസോണിൽ ജിയോഭാരത് ബി1 ഫീച്ചർ ഫോൺ ഇതിനകം തന്നെ വിൽപ്പനയ്ക്ക് എത്തിയിട്ടുണ്ട്.

Also Read: വിഴിഞ്ഞം തുറമുഖത്ത് ആദ്യ കപ്പൽ നാളെ തീരമണിയും: ഒരുക്കങ്ങൾ വിലയിരുത്തി മന്ത്രിമാർ