അരൂർ: വാനുകൾ കൂട്ടിയിടിച്ചുണ്ടായ അപകടത്തിൽ മൂന്നു പേർക്ക് പരിക്ക്. പെരുമ്പാവൂരിലേക്ക് മര ഉരുപ്പടികൾ എത്തിച്ച ശേഷം തിരികെ ആലപ്പുഴ ഭാഗത്തേക്കു മടങ്ങുന്ന അമേയ എന്ന വാനിലേക്കാണ് മീൻ വണ്ടി നിയന്ത്രണം തെറ്റി ഇടിച്ചത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ഒരാളുടെ പരുക്ക് ഗുരുതരമാണ്.
ചന്തിരൂർ പാലത്തിന് തെക്കുഭാഗത്ത് ദേശീയപാതയിൽ നാലുവരിപ്പാതയുടെ വശത്തു കൂടെ വടക്കുദിശയിൽ അരൂർ ഭാഗത്തേയ്ക്കു വന്നുകൊണ്ടിരുന്ന മത്സ്യം കയറ്റിയ വാൻ മുമ്പിലുണ്ടായിരുന്ന കാറിന്റെ പുറകിൽ തട്ടുകയും, ഇടിയിൽ നിയന്ത്രണം തെറ്റിയ വാൻ മീഡിയൻ ഭേദിച്ച് മറുദിശയിൽ സഞ്ചരിച്ചിരുന്ന വാനിലേയ്ക്ക് ഇടിച്ചു കയറി മറിയുകയായിരുന്നു.
Read Also : സംസ്ഥാനത്ത് തുലാവർഷം ശക്തിപ്പെടുന്നു: 12 ജില്ലകളിൽ ഇന്ന്‌ യെല്ലോ അലർട്ട്
അപകടത്തിൽ മീൻ വണ്ടിയുടെ ഡ്രൈവറടക്കം മൂന്നു പേർക്ക് പരുക്ക് പറ്റി ലേക് ഷോർ ആശുപത്രിയിൽ പ്രവേശിപ്പിച്ചു.
അരൂരിലെ പൊലീസ് സേനയും ഫയർ & റെസ്ക്യൂ സർവീസ് സേനയും സംഭവ സ്ഥലത്തെത്തിയാണ് രക്ഷാപ്രവർത്തനം നടത്തിയത്.
Post Your Comments