യുവാവിനെ വീട്ടിൽ നിന്ന് വിളിച്ചിറക്കി വാൾ കൊണ്ട് വെട്ടിക്കൊല്ലാൻ ശ്രമം : മുഖ്യപ്രതി പിടിയിൽ

ശാസ്താംകോട്ട: യുവാവിനെ വീട്ടിൽ നിന്ന് വിളിച്ചിറക്കി വാൾ കൊണ്ട് വെട്ടിക്കൊല്ലാൻ ശ്രമിച്ച കേസിലെ മുഖ്യപ്രതി അറസ്റ്റിൽ. ശൂരനാട് തെക്ക് പുന്നവിളമുക്ക് ഞാറയ്ക്കാട്ടിൽ മുഹമ്മദ് നൗഫൽ (26) ആണ് അറസ്റ്റിലായത്.

Read Also : ചെങ്കോട്ട ഭീകരാക്രമണ കേസ്: ലഷ്‌കര്‍ ഭീകരന്റെ വധശിക്ഷ ശരിവച്ച് സുപ്രീം കോടതി

കഴിഞ്ഞ ഞായറാഴ്ച പുലർച്ച 1.30 ഓടെയാണ് കേസിനാസ്പദമായ സംഭവം. ശൂരനാട് തെക്ക് കുമരംചിറ വാലുതുണ്ടിൽ വീട്ടിൽ ഷാനെ ആക്രമിച്ച കേസിലാണ് അറസ്റ്റ്. പ്രതികൾക്ക് ഷാനോടുള്ള മുൻവിരോധം കാരണം വീട്ടിൽ നിന്ന് വിളിച്ചിറക്കി വെട്ടുകയായിരുന്നെന്ന് ശൂരനാട് എസ്.ഐ രാജൻ ബാബു പറഞ്ഞു.

കേസിൽ മറ്റൊരു പ്രതിയായ പള്ളിശ്ശേരിക്കൽ സലാമിയ മൻസിലിൽ അമീർ (21) കഴിഞ്ഞ ദിവസം പിടിയിലായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.