കോട്ടയം: യുവാക്കളെ കൊലപ്പെടുത്താന്‍ ശ്രമിച്ച കേസില്‍ രണ്ടുപേരെ പോലീസ് അറസ്റ്റ് ചെയ്തു. വടയാര്‍ തലയോലപ്പറമ്പ് ഉമ്മാംകുന്ന് ഭാഗത്ത് തെക്കിനേഴത്ത് നിഖില്‍ ഗോപി (21), ഇയാളുടെ സഹോദരന്‍ ഗോപകുമാര്‍ (28) എന്നിവരെയാണ് തലയോലപ്പറമ്പ് പോലീസ് അറസ്റ്റ് ചെയ്തത്.
തലയോലപ്പറമ്പില്‍ ആണ് സംഭവം. ഇവര്‍ കഴിഞ്ഞ ദിവസം തലയോലപ്പറമ്പ് ഉമ്മാംകുന്ന് ഭാഗത്തുവച്ചു മറവന്‍തുരുത്ത് സ്വദേശികളായ അഭിനവിനെയും ജിതിനെയും കരിങ്കല്ലുകൊണ്ട് ആക്രമിക്കുകയായിരുന്നു.
Read Also : കേരളത്തില്‍ ഇന്ന് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്
പ്രതികള്‍ നേരത്തെ അഭിനവുമായി വഴക്കുണ്ടാക്കിയിരുന്നു. തുടർന്ന്, ഒളിവില്‍ പോയ ഇവരെ അന്വേഷണസംഘം പിടികൂടുകയായിരുന്നു. പ്രതികളില്‍ ഒരാളായ നിഖില്‍ ഗോപി തലയോലപ്പറമ്പ് പൊലീസ് സ്റ്റേഷനിലെ റൗഡി ലിസ്റ്റില്‍ ഉള്‍പ്പെട്ടയാളാണെന്ന് പൊലീസ് പറഞ്ഞു.
എസ്‌ഐ എസ്. ജസ്റ്റിന്‍റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കും.
Post Your Comments