നിരോധിത പുകയില ഉൽപന്നങ്ങളുടെ വിൽപന : വയോധികൻ പിടിയിൽ

കൊട്ടാരക്കര: നിരോധിത പുകയില ഉൽപന്നങ്ങൾ സ്കൂൾ കുട്ടികൾക്കും മറ്റും വിൽപന നടത്തുന്ന പ്രതി അറസ്റ്റിൽ. ആലപ്പുഴ എടത്വ എൺപത്തിയൊന്നിൻ ചിറ വീട്ടിൽ ഉദയനെയാണ് (62) അറസ്റ്റ് ചെയ്തത്. എഴുകോൺ പൊലീസ് ആണ് അറസ്റ്റ് ചെയ്തത്.

Read Also : ഇളംകുളത്ത് വീടിനുള്ളിൽ പ്ലാസ്റ്റിക് കവറിൽ പൊതിഞ്ഞ നിലയിൽ യുവതിയുടെ മൃതദേഹം കണ്ടെത്തി

എഴുകോൺ ചീരങ്കാവിൽ പ്രതി നടത്തിവന്ന കടയിൽ നിന്നാണ് നിരോധിത പുകയില ഉൽപന്നങ്ങൾ പിടിച്ചെടുത്തത്.

Read Also : ‘മയക്കുമരുന്നിനെയും കള്ളിനെയും രണ്ടായി കാണണം’: കള്ള് കേരളത്തിലുള്ള പാനീയം – വിചിത്ര വാദവുമായി ശിവന്‍കുട്ടി

കൊല്ലം റൂറൽ ജില്ല പൊലീസ് മേധാവി കെ.ബി. രവി ഐ.പി.എസ് കേരള പൊലീസിന്‍റെ ‘യോദ്ധാവ്’ വഴി ലഭിച്ച രഹസ്യവിവരത്തെ തുടർന്ന് കൊല്ലം സി-ബ്രാഞ്ച് ഡിവൈ.എസ്.പി-യുടെ നേതൃത്വത്തിലുള്ള കൊല്ലം റൂറൽ ഡാൻസാഫ് ടീമും എഴുകോൺ പൊലീസും ചേർന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.