എളുപ്പത്തിൽ തയ്യാറാക്കാം പ്രാതലിന് ഓട്സ് ദോശ

ധാരാളം പോഷക​ഗുണങ്ങൾ അടങ്ങിയ ഓട്സ് കൊണ്ട് ഒരു ദോശ തയ്യാറാക്കി നോക്കിയാലോ?. വളരെ എളുപ്പം തയ്യാറാക്കാം ഓട്സ് ദോശ.

ആവശ്യമുള്ള സാധനങ്ങൾ

ഓട്സ് പൊടിച്ചത് – മുക്കൽ കപ്പ്

റവ – 1/2 കപ്പ്

അരിപ്പൊടി – 1/4 കപ്പ്

ഉപ്പ് – ആവശ്യത്തിന്

പച്ചമുളക് – 2 എണ്ണം

കറിവേപ്പില – ആവശ്യത്തിന്

ഇഞ്ചി – 1/4 ടേബിൾസ്പൂൺ

അണ്ടിപരിപ്പ് – 4 എണ്ണം

കുരുമുളക് പൊടി – അരടീസ്പൂൺ

കായപ്പൊടി – 2 നുള്ള്

ജീരകപ്പൊടി – 1/4 ടേബിൾസ്പൂൺ

വെള്ളം – ആവശ്യത്തിന്

Read Also : ശിവക്ഷേത്രത്തില്‍ പ്രദക്ഷിണം ചെയ്യുമ്പോള്‍ ശ്രദ്ധിക്കേണ്ടത്

തയ്യാറാക്കുന്ന വിധം

ഒരു പാത്രത്തിലേക്ക് പൊടിച്ചുവച്ചിരിക്കുന്ന ഓട്സ്, റവ, കറിവേപ്പില, അരിപ്പൊടി, പച്ചമുളക് , ഇഞ്ചി ചതച്ചത്, കുരുമുളക് ചതച്ചത്, ജീരകപ്പൊടി, കായപ്പൊടി, ആവശ്യത്തിന് ഉപ്പ്, കശുവണ്ടി എന്നിവ ചേർത്ത് നന്നായി യോജിപ്പിക്കുക.

കുറച്ച് കഴിഞ്ഞ് അതിലേക്ക് അൽപം വെള്ളം ചേർത്ത് ദോശ മാവ് പരുവത്തിലാക്കി എടുക്കുക. ശേഷം ഈ മാവ് 10 മിനുട്ട് അടച്ച് വയ്ക്കുക.

ശേഷം പാൻ ചൂടാവാൻ വയ്ക്കുക. പാൻ നന്നായി ചൂടായി കഴിഞ്ഞാൽ മാവ് ഒട്ടും തന്നെ പരത്താതെ ഒഴിച്ചു മാത്രം കൊടുക്കുക. രണ്ട് വശവും നന്നായി മൊരിച്ച് എടുക്കുക. ഓട്സ് ദോശ തയാറായി.