നാട്ടുകാർ യാത്രക്കാരനെ ഓടിച്ചിട്ട് പിടിച്ചു : കെ.എസ്.ആർ.ടി.സി ഡ്രൈവർ കരണത്തടിച്ചു, സംഭവം കൊല്ലത്ത്, പിന്നിലെ കാരണമിത്

കൊല്ലം: ടിക്കറ്റ് എടുക്കാത്തതിന് കെ.എസ്.ആർ.ടി.സി. ഡ്രൈവർ യാത്രക്കാരന്റെ കരണത്തടിച്ചു.  ബുധനാഴ്ച വൈകിട്ട് ആറരയോടെ കൊല്ലം ഏഴുകോണിലാണ് സംഭവം.

ടിക്കറ്റ് എടുക്കാൻ ആവശ്യപ്പെട്ട വനിതാ കണ്ടക്ടറുടെ കൈ തട്ടി മാറ്റി യാത്രക്കാരൻ പുറത്തേക്ക് ഓടി. തുടർന്ന്, നാട്ടുകാർ പിടികൂടി യാത്രക്കാരനെ ബസിലേക്കെത്തിച്ചു. അപ്പോഴാണ് കെ.എസ്.ആർ.ടി.സി. ഡ്രൈവർ യാത്രക്കാരന്റെ കരണത്തടിച്ചത്. പിന്നാലെ നാട്ടുകാരും യാത്രക്കാരനെ കൈയേറ്റം ചെയ്തു. തുടർന്ന്, ഏഴുകോൺ പൊലീസെത്തി ഇയാളെ സ്റ്റേഷനിലേക്ക് കൊണ്ടുപോവുകയായിരുന്നു.

Read Also : മയക്കുമരുന്നിനെതിരെ എക്സൈസ് സ്പെഷ്യല്‍ ഡ്രൈവ്:35 ദിവസത്തില്‍ പിടികൂടിയത് കോടികളുടെ മയക്കുമരുന്ന്,1038 പേര്‍ അറസ്റ്റില്‍

അതേസമയം, മർദ്ദനത്തിൽ യാത്രക്കാരന് പരാതി ഇല്ലാത്തതിനാൽ കേസ് എടുത്തിട്ടില്ലെന്നും മാതാപിതാക്കളെ വിളിച്ചു വരുത്തി ഇയാളെ വിട്ടയച്ചു എന്നും പൊലീസ് പറഞ്ഞു. കെ.എസ്.ആർ.ടി.സി. ബസിൽ ടിക്കറ്റ് എടുക്കാതെ യാത്ര ചെയ്താൽ 500 രൂപയാണ് പിഴയീടാക്കുക.