തൃപ്രയാര്‍: നാല് ലിറ്റര്‍ വാറ്റുചാരായവുമായി ഒരാള്‍ എക്‌സൈസ് സംഘത്തിന്റെ പിടിയില്‍. തൃപ്രയാര്‍ തയ്യില്‍ മണികണ്ഠനെയാണ് (51) തൃപ്രയാര്‍ എക്‌സൈസ് സംഘം പിടികൂടിയത്. പ്രിവന്റിവ് ഓഫീസര്‍ കെ.എന്‍. ഹരിദാസിന്റെ നേതൃത്വത്തിലുള്ള സംഘം തൃപ്രയാര്‍ വ്യാപാരഭവന്‍ റോഡില്‍ നിന്നാണ് ഇയാളെ പിടികൂടിയത്.
Read Also : കൊട്ടിയം സംഭവം: അമ്മയ്ക്കും കുഞ്ഞിനും സംരക്ഷണം ഉറപ്പാക്കി സർക്കാർ
മറ്റ് സ്ഥലങ്ങളില്‍ നിന്ന് കൊണ്ടുവരുന്ന വാറ്റ് ചാരായം ഇയാള്‍ ഇരുചക്ര വാഹനത്തില്‍ ആവശ്യക്കാര്‍ക്ക് എത്തിച്ചുനല്‍കുകയാണ് പതിവെന്ന് എക്‌സൈസ് അധികൃതര്‍ അറിയിച്ചു.
ഗ്രേഡ് പ്രിവന്റിവ് ഓഫീസര്‍ ടി.ആര്‍. സുനില്‍, സിവില്‍ എക്‌സൈസ് ഓഫീസര്‍മാരായ മുജീബ് റഹ്മാന്‍, പി.എ. വിനോജ്, പി.എ. അഫ്‌സല്‍, ജയ്‌സന്‍ പി. ദേവസി, ആര്‍. രതീഷ്‌കുമാര്‍ എന്നിവരും എക്‌സൈസ് സംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി.
Post Your Comments