ഇന്ത്യൻ വിപണി കീഴടക്കാൻ ഏറ്റവും പുതിയ ടാബ്‌ലറ്റുമായി നോക്കിയ

ഇന്ത്യൻ വിപണിയിലെ താരമാകാൻ ഒരുങ്ങി നോക്കിയ. ഇത്തവണ നോക്കിയയുടെ ഏറ്റവും പുതിയ ടാബ്‌ലറ്റായ നോക്കിയ ടി10 ആണ് വിപണിയിൽ അവതരിപ്പിച്ചിരിക്കുന്നത്. കഴിഞ്ഞ വർഷം നോക്കിയ ടി20 പുറത്തിറക്കിയിരുന്നു. ഇതിന്റെ പരിഷ്കരിച്ച പതിപ്പാണ് ഇത്തവണ പുറത്തിറക്കിയത്. ഈ ടാബ്‌ലറ്റിന്റെ വിലയും സവിശേഷതയും പരിചയപ്പെടാം.

8 ഇഞ്ച് ഡിസ്പ്ലേയാണ് ഈ ടാബ്‌ലറ്റിന് നൽകിയിരിക്കുന്നത്. യുണിസോക് ടി606 പ്രോസസറിൽ പ്രവർത്തിക്കുന്ന ഈ ടാബ്‌ലറ്റിന്റെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്. 8 മെഗാപിക്സൽ പ്രൈമറി സെൻസർ പിന്നിൽ നൽകിയിട്ടുണ്ട്. 2 മെഗാപിക്സലാണ് സെൽഫി ക്യാമറ.

Also Read: നിങ്ങളുടെ ആരോഗ്യം അറിയാൻ കൈ നഖത്തിലെ ഈ വെളുപ്പിന്റെ വലിപ്പം നോക്കൂ

10 വാട്സ് ചാർജിംഗ് പിന്തുണയും 5,250 എംഎഎച്ച് ബാറ്ററി ലൈഫും കാഴ്ചവയ്ക്കുന്നുണ്ട്. 3 ജിബി റാം പ്ലസ് 32 ജിബി ഇന്റേണൽ സ്റ്റോറേജ് ഉളള മോഡൽ 11,799 രൂപയ്ക്കും, 4 ജിബി റാം പ്ലസ് 64 ജിബി ഇന്റേണൽ സ്റ്റോറേജ് ഉളള മോഡൽ 12,799 രൂപയ്ക്കും വാങ്ങാൻ സാധിക്കുന്നതാണ്. നിലവിൽ, ആമസോൺ, നോക്കിയ ഇന്ത്യയുടെ ഔദ്യോഗിക വെബ്സൈറ്റ് എന്നിവ മുഖാന്തരമാണ് വിൽപ്പന നടക്കുന്നത്.