കോട്ടയം: അയല്‍വാസിയെ വെട്ടിപ്പരിക്കേൽപ്പിച്ച കേസിലെ പ്രതി പൊലീസ് പിടിയില്‍. ചിങ്ങവനം സചിവോത്തമപുരം മനുഭവനില്‍ മനു (35)വിനെയാണ് അറസ്റ്റ് ചെയ്തത്. ചിങ്ങവനം പൊലീസ് ആണ് അറസ്റ്റ് ചെയ്തത്.
ഇയാള്‍ ഉത്രാട ദിവസം രാത്രി തന്‍റെ അയല്‍വാസിയുടെ വീട്ടില്‍ കയറി വഴക്കുണ്ടാക്കുകയും ഗൃഹനാഥനെ വെട്ടിപ്പരിക്കേല്‍പ്പിക്കുകയും തടസം പിടിക്കാന്‍ എത്തിയ മകന്‍റെ കൈവിരലിന് വെട്ടുകയും ചെയ്തു.
Read Also : റിലയൻസ് പെട്രോളിയം റീട്ടെയിൽ: ഏറ്റെടുത്തത് ഈ രണ്ട് കമ്പനികൾ, ഇടപാട് തുക അറിയാം
അയൽവാസിയുടെ പരാതിയുടെ അടിസ്ഥാനത്തില്‍ ചിങ്ങവനം പൊലീസ് കേസ് രജിസ്റ്റര്‍ ചെയ്യുകയും പ്രതിയെ പിടികൂടുകയുമായിരുന്നു. ഇയാള്‍ക്കെതിരെ ചിങ്ങവനം സ്റ്റേഷനില്‍ വേറെയും കേസുകളുണ്ടെന്ന് പൊലീസ് പറഞ്ഞു.
ചിങ്ങവനം എസ്എച്ച്ഒ ടി.ആര്‍. ജിജു, സിപിഒമാരായ പ്രകാശന്‍, എസ്. സതീഷ്, മണികണ്ഠന്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments