ഏഷ്യാ കപ്പ് സൂപ്പര്‍ ഫോർ പോരാട്ടം: ശ്രീലങ്കയ്ക്ക് തകർപ്പൻ ജയം

ദുബായ്: ഏഷ്യാ കപ്പ് സൂപ്പര്‍ ഫോറില്‍ അഫ്ഗാനിസ്ഥാനെതിരായ മത്സരത്തില്‍ ശ്രീലങ്കയ്ക്ക് തകർപ്പൻ ജയം. നാല് വിക്കറ്റിനായിരുന്നു ശ്രീലങ്കയുടെ ജയം. ടോസ് നഷ്ടപ്പെട്ട് ബാറ്റിംഗിനിറങ്ങിയ അഫ്ഗാന്‍ ആറ് വിക്കറ്റ് നഷ്ടത്തില്‍ 175 റണ്‍സ് നേടി. മറുപടി ബാറ്റിംഗില്‍ 19.2 ഓവറിൽ ആറ് വിക്കറ്റ് നഷ്ടത്തില്‍ ശ്രീലങ്ക ലക്ഷ്യം മറികടന്നു.

കുശാല്‍ മെന്‍ഡിസ് (36), പതും നിസ്സങ്ക (35), ധനുഷ്‌ക ഗുണതിലക (33), ഭാനുക രജപക്‌സ (31) എന്നിവരുടെ ഇന്നിംഗ്‌സാണ് ശ്രീലങ്കയെ വിജത്തിലേക്ക് നയിച്ചത്. ചരിത് അസലങ്ക (8), ദസുന്‍ ഷനക (10) എന്നിവരാണ് പുറത്തായ മറ്റുതാരങ്ങള്‍. വാനിന്ദു ഹസരങ്ക (16), ചാമിക കരുണാരത്‌നെ (5) എന്നിവര്‍ പുറത്താവാതെ നിന്നു. മുജീബ് ഉര്‍ റഹ്മാന്‍, നവീന്‍ ഉള്‍ ഹഖ് എന്നിവര്‍ രണ്ട് വിക്കറ്റ് വീഴ്ത്തി.

Read Also:- ‘മീശ വിനീത് ഒരുപാട് ഉപദ്രവം ചെയ്തിട്ടുണ്ട്, ദേവു ചേച്ചി എനിക്കും മെസേജ് അയച്ചിട്ടുണ്ട്’: ഹെലന്റെ തുറന്നു പറച്ചിൽ

നേരത്തെ, റഹ്മാനുള്ള ഗുര്‍ബാസിന്റെ (45 പന്തില്‍ 84) ഇന്നിംഗ്‌സാണ് അഫ്ഗാനെ മികച്ച സ്‌കോറിലേക്ക് നയിച്ചത്. ഇബ്രാഹിം സദ്രാന്‍ (40) മികച്ച പ്രകടനം പുറത്തെടുത്തു. ഹസ്രത്തുള്ള സസൈ (13), നജീബുള്ള സദ്രാന്‍ (17), മുഹമ്മദ് നബി (1), റാഷിദ് ഖാന്‍ (9) എന്നിവരാണ് പുറത്തായ താരങ്ങള്‍. കരിം ജനാത് (0) പുറത്താവാതെ നിന്നു. സ്കോർ: അഫ്ഗാനിസ്ഥാൻ 175/6, ശ്രീലങ്ക 179/6.