പ്രമേഹം നിങ്ങളുടെ ലൈംഗിക ജീവിതത്തെ എങ്ങനെ ബാധിക്കുന്നു എന്നറിയാം

പ്രമേഹം ഒരു സാധാരണ ഉപാപചയ രോഗമാണ്. നിങ്ങളുടെ രക്തത്തിലെ ഗ്ലൂക്കോസ് സാധാരണയേക്കാൾ കൂടുന്നത് മൂലമാണ് ഈ രോഗം ഉണ്ടാകുന്നത്. ഹൃദയ സംബന്ധമായ പ്രശ്നങ്ങൾ, വൃക്ക തകരാർ, പക്ഷാഘാതം തുടങ്ങിയ നിരവധി രോഗങ്ങൾക്കുള്ള സാധ്യത ഇത് വർദ്ധിപ്പിക്കും. പ്രമേഹം പുരുഷന്മാരുടെയും സ്ത്രീകളുടെയും ലൈംഗിക ജീവിതത്തെയും ബാധിക്കുമെന്ന് നിരവധി ആരോഗ്യ വിദഗ്ധർ അവകാശപ്പെടുന്നു.

‘ഞരമ്പുകൾ, രക്തചംക്രമണം, ഹോർമോണുകൾ എന്നിവയെ ബാധിക്കുന്നതിനാൽ പ്രമേഹം ലൈംഗിക ജീവിതത്തെ പ്രതികൂലമായി ബാധിക്കും. കൂടാതെ, വിട്ടുമാറാത്ത രോഗത്തെ നേരിടുന്നതിന്റെ സമ്മർദ്ദം ലൈംഗിക ജീവിതത്തെ തടസ്സപ്പെടുത്തും. രക്തത്തിലെ ഉയർന്ന ഷുഗർ നില നാഡികളെയും രക്തചംക്രമണത്തെ ബാധിക്കുകയും ഉദ്ധാരണ പ്രശ്‌നങ്ങൾ ഉണ്ടാക്കുകയും ചെയ്യും,’ ന്യൂ ഡൽഹിയിലെ ഫോർട്ടിസ് സി.ഡി.ഒ.സി ഹോസ്പിറ്റലിലെ ഡയബറ്റിസ് ആൻഡ് എൻഡോക്രൈനോളജി ഡയറക്ടർ ഡോ. റിതേഷ് ഗുപ്ത പറയുന്നു.

പ്രമേഹം പുരുഷന്മാരിൽ ഉദ്ധാരണശേഷി കുറയുന്നതിനും ലൈംഗികാഭിലാഷം കുറയ്ക്കുന്നതിനും കാരണമാകും. അനിയന്ത്രിതമായ പ്രമേഹം ടെസ്റ്റോസ്റ്റിറോണിന്റെ അളവ് കുറയാൻ ഇടയാക്കും. ടെസ്റ്റോസ്റ്റിറോൺ അളവ് കുറയുന്നത് ഉദ്ധാരണക്കുറവിനും ലിബിഡോ കുറയുന്നതിനും ഇടയാക്കും.

വിവരം നൽകിയില്ല: ഫിനാൻഷ്യൽ കോർപ്പറേഷനിലെ മൂന്ന് ഉദ്യോഗസ്ഥർക്ക് പിഴ ചുമത്തി

വിദഗ്ധരുടെ അഭിപ്രായത്തിൽ, പ്രമേഹമുള്ള സ്ത്രീകൾക്ക് ലൈംഗികാഭിലാഷം കുറയും. അനിയന്ത്രിതമായ പ്രമേഹം ലൈംഗിക പ്രവർത്തനത്തെ തടസ്സപ്പെടുത്തുന്ന ജനനേന്ദ്രിയ അണുബാധയ്ക്ക് കാരണമായേക്കാം. പ്രമേഹമുള്ള സ്ത്രീകൾക്ക് ത്രഷ്, സിസ്റ്റിറ്റിസ്, മൂത്രനാളിയിലെ അണുബാധ തുടങ്ങിയ അണുബാധകൾ ഉണ്ടാകാനുള്ള സാധ്യത കൂടുതലാണ്. ഇവയെല്ലാം ലൈംഗിക ബന്ധത്തിൽ ഏർപ്പെടാനോ ആസ്വദിക്കാനോ ഉള്ള കഴിവിനെ ബാധിക്കും.

പ്രമേഹവുമായി ബന്ധപ്പെട്ട ഒരു തരം നാഡി ക്ഷതം, ഡയബറ്റിക് ന്യൂറോപ്പതി, ലൈംഗിക പ്രശ്നങ്ങൾക്ക് കാരണമാകും. മരവിപ്പ്, വേദന അല്ലെങ്കിൽ വികാരക്കുറവ് എന്നിവയും ജനനേന്ദ്രിയത്തിൽ സംഭവിക്കാം. ഇത് ഉദ്ധാരണക്കുറവിന് കാരണമാകും.