നി​ര​വ​ധി കേ​സു​ക​ളി​ൽ പ്ര​തി : യുവാവിനെ കാ​പ്പ പ്ര​കാ​രം ത​ട​വി​ലാ​ക്കി

കൊല്ലം: നി​ര​വ​ധി കേ​സു​ക​ളി​ൽ പ്ര​തി​യാ​യ യുവാവിനെ കാ​പ്പ നിയമപ്ര​കാ​രം ത​ട​വി​ലാ​ക്കി. ശ​ക്തി​കു​ള​ങ്ങ​ര ക​ന്നി​മേ​ൽ ഇ​ട​പ്പാ​ടം വ​യ​ലി​ൽ തു​ണ്ട്പ​റ​മ്പി​ൽ വീ​ട്ടി​ൽ ഷാ​ൻ എ​ന്ന് വി​ളി​ക്കു​ന്ന മു​ഹ​മ്മ​ദ് അ​സ്ലാം (25) ആണ് ശ​ക്തി​കു​ള​ങ്ങ​ര പൊ​ലീ​സി​ന്‍റെ പി​ടി​യി​ലാ​യ​ത്.

2018 മു​ത​ൽ കൊ​ല്ലം സി​റ്റി പ​രി​ധി​യി​ലെ ശ​ക്തി​കു​ള​ങ്ങ​ര പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ന​ര​ഹ​ത്യ​ശ്ര​മം, മാ​രാ​കാ​യു​ധം ഉ​പ​യോ​ഗി​ച്ചു​ള്ള അ​ക്ര​മം, മാ​ന​ഭം​ഗ​പ്പെ​ടു​ത്ത​ൽ, അ​ടി​പി​ടി, ഭീ​ഷ​ണി​പ്പെ​ടു​ത്ത​ൽ തു​ട​ങ്ങി നിരവധി കേസുകളിൽ പ്രതിയാണ് ഇയാൾ.

Read Also : ദ​മ്പ​തി​ക​ളെ സാ​മൂ​ഹി​ക വി​രു​ദ്ധ സം​ഘം ക്രൂ​ര​മാ​യി ആ​ക്ര​മി​ച്ച് പ​രി​ക്കേ​ൽ​പ്പി​ച്ചു

2018 മു​ത​ൽ 2022 വ​രെ ഏ​ഴ് ക്രി​മി​ന​ൽ കേ​സു​ക​ളി​ൽ ഇ​യാ​ൾ പ്ര​തി​യാ​യി​ട്ടു​ണ്ട്. ശ​ക്തി​കു​ള​ങ്ങ​ര പോ​ലീ​സ് സ്റ്റേ​ഷ​നി​ൽ 2018-ൽ ​മാ​ര​ക​മാ​യി ദേ​ഹോ​പ​ദ്ര​വം ഏ​ൽ​പ്പി​ച്ച​തി​നും ഹെ​ൽ​മെ​റ്റ് ഉ​പ​യോ​ഗി​ച്ച് ത​ല​ക്ക​ടി​ച്ച് ന​ര​ഹ​ത്യാശ്ര​മം ന​ട​ത്തി​യ​തി​നും, 2019-ൽ ​വ​ഴി​ത​ട​ഞ്ഞ് നി​ർ​ത്തി അ​ക്ര​മം ന​ട​ത്തി​യ​തി​ന് ര​ണ്ട് കേ​സു​ക​ളും ടാ​ങ്ക​ർ ലോ​റി ത​ട​ഞ്ഞു നി​ർ​ത്തി പ​ണം ആ​വ​ശ്യ​പ്പെ​ട്ട് ദേ​ഹോ​പ​ദ്ര​വം ന​ട​ത്തു​ക​യും ക​ക്കൂ​സ് മാ​ലി​ന്യം പൊ​തു​സ്ഥ​ല​ത്ത് ഒ​ഴു​ക്കി​വി​ട്ട് പ​രി​സ​ര​മ​ലി​നീ​ക​ര​ണം ന​ട​ത്തി​യ​തി​നും ഇയാൾക്കെതിരെ കേ​സു​ണ്ടെന്ന് പൊലീസ് പറഞ്ഞു. 2021-ൽ ​കൊ​ല്ലം ബൈ​പ്പാ​സ് റോ​ഡ് സൈ​ഡി​ൽ പാ​ർ​ക്ക് ചെ​യ്തി​രു​ന്ന വാ​ഹ​ന​ത്തി​ന്‍റെ ഡ്രൈ​വ​റെ ഭീ​ഷ​ണി​പ്പെ​ടു​ത്തി​യ​തി​നും 2022-ൽ ​യു​വ​തി​യെ ദേ​ഹോ​പ​ദ്ര​വം ഏ​ൽ​പ്പി​ച്ച് മാ​ന​ഭം​ഗ​പ്പെ​ടു​ത്തി​യ​തി​നും ഇ​യാ​ൾ​ക്കെ​തി​രെ കേ​സ് നി​ല​വി​ലു​ണ്ട്.

കൊ​ടും​കു​റ്റ​വാ​ളി​ക​ൾ​ക്കെ​തി​രെ കാ​പ്പ ചു​മ​ത്തു​ന്ന​തി​ന്‍റെ ഭാ​ഗ​മാ​യി ജി​ല്ലാ പൊലീ​സ് മേ​ധാ​വി മെ​റി​ൻ ജോ​സ​ഫ് ജി​ല്ലാ ക​ള​ക്ട​റും ജി​ല്ലാ മ​ജി​സ്ട്രേ​റ്റും കൂ​ടി​യാ​യ അ​ഫ്സാ​ന പ​ർ​വീ​ണിന് സ​മ​ർ​പ്പി​ച്ച റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് നടപടി. ശ​ക്തി​കു​ള​ങ്ങ​ര ഇ​ൻ​സ്പെ​ക്ട​ർ ബി​നു വ​ർ​ഗീ​സി​ന്‍റെ നേ​തൃ​ത്വ​ത്തി​ൽ എ​സ്‌​ഐ മാ​രാ​യ ആ​ശ ഐ.​വി, സ​ലീം, എഎ​സ്ഐ ഡാ​ർ​വി​ൻ, സി​പി​ഒ രാ​ജേ​ഷ് എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. ഇ​യാ​ളെ ക​രു​ത​ൽ ത​ട​ങ്ക​ലി​നാ​യി പൂ​ജ​പ്പു​ര സെ​ൻ​ട്ര​ൽ ജ​യി​ലി​ലേ​ക്ക​യ​ച്ചു.