തളിപ്പറമ്പ്: സോഷ്യല്‍ മീഡിയയിലൂടെ പരിചയപ്പെട്ട പതിനെട്ടുകാരിയെ ലൈംഗികമായി പീഡിപ്പിച്ച സ്വകാര്യ ബസ് ജീവനക്കാരന്‍ പൊലീസ് പിടിയിൽ. തളിപ്പറമ്പ് മയ്യില്‍ പെരുവങ്ങൂര്‍ സ്വദേശി വി. വൈഷ്ണവ് (21) ആണ് അറസ്റ്റിലായത്. തളിപ്പറമ്പ് പൊലീസാണ് അറസ്റ്റ് ചെയ്തത്.
ഈ കഴിഞ്ഞ ആറിനായിരുന്നു കേസിനാസ്പദമായ സംഭവം. ഒരുമാസം മുമ്പാണ് യുവാവും തളിപ്പറമ്പ് സ്വദേശിനിയായ പെണ്‍കുട്ടിയും സോഷ്യല്‍ മീഡിയയിലൂടെ പരിചയപ്പെടുന്നത്. തുടര്‍ന്ന്, പ്രണയം നടിച്ച് യുവാവ് പെണ്‍കുട്ടിയെ പറശിനിക്കടവിലെ സ്വകാര്യ ലോഡ്ജില്‍ എത്തിക്കുകയും പീഡിപ്പിക്കുകയുമായിരുന്നു.
പെണ്‍കുട്ടിയുടെ പരാതിയുടെ അടിസ്ഥാനത്തിലാണ് തളിപ്പറമ്പ് പൊലീസ് കേസെടുത്തത്. അറസ്റ്റ് ചെയ്ത യുവാവിനെ കോടതിയില്‍ ഹാജരാക്കി റിമാൻഡ് ചെയ്തു.
Post Your Comments