മലപ്പുറം : മലപ്പുറത്ത് എംഡിഎംഎയുമായി യുവാവ് പൊലീസ് പിടിയിൽ. പാങ്ങ് ചേണ്ടി സ്വദേശി തൈരനില്‍ അബ്ദുള്‍വാഹിദിനെ (29)യാണ് പൊലീസ് അറസ്റ്റ് ചെയ്തത്.
ശനിയാഴ്ച പെരിന്തല്‍മണ്ണ പൊലീസ് ആണ് യുവാവിനെ പിടികൂടിയത്. 20 ഗ്രാം എംഡിഎംഎ ഇയാളിൽ നിന്ന് പിടിച്ചെടുത്തു.
Read Also : കടലില് കുളിക്കാനിറങ്ങി കാണാതായ രണ്ടാമത്തെ വിദ്യാര്ത്ഥിയുടെ മൃതദേഹവും കണ്ടെത്തി
ജില്ലാ പൊലീസ് മേധാവി എസ്.സുജിത്ത് ദാസ് ഐപിഎസിന്‍റെ നിര്‍ദ്ദേശപ്രകാരം പെരിന്തല്‍മണ്ണ ഡിവൈഎസ്പി എം.സന്തോഷ്കുമാര്‍, സിഐ സി.അലവി എന്നിവരുടെ നേതൃത്വത്തില്‍ പെരിന്തല്‍മണ്ണ എസ്ഐ. സി.കെ.നൗഷാദും സംഘവും പെരിന്തല്‍മണ്ണ സ്റ്റേഷന്‍ പരിധികളില്‍ നടത്തിയ വ്യാപക പരിശോധനയിലാണ് മാരകശേഷിയുള്ള എംഡിഎംഎ മയക്കുമരുന്നുമായി പെരിന്തല്‍മണ്ണ പോളിടെക്നിക്ക് കോളേജിന് സമീപം വച്ച്‌ അബ്ദുള്‍ വാഹിദിനെ അറസ്റ്റ് ചെയ്തത്.
പെരിന്തല്‍മണ്ണ എസ്ഐ സി.കെ.നൗഷാദ്, ജൂനിയര്‍ എസ്ഐ ഷൈലേഷ്, എഎസ്ഐ ബൈജു, സീനിയര്‍ സിവില്‍ പൊലീസ് ഓഫീസര്‍മാരായ ഷാലു, ഉല്ലാസ്, മിഥുന്‍, കൈലാസ്, നിഖില്‍ എന്നിവരും ജില്ലാ ആന്‍റി നര്‍ക്കോട്ടിക് സ്ക്വാഡുമാണ് പരിശോധന നടത്തിയ സംഘത്തിലുണ്ടായിരുന്നത്. പ്രതിയെ പെരിന്തല്‍മണ്ണ കോടതിയില്‍ ഹാജരാക്കി റിമാൻഡ് ചെയ്തു.
Post Your Comments