പത്തനംതിട്ട: കഞ്ചാവുമായി ബിഹാര്‍ സ്വദേശികളായ രണ്ട് യുവാക്കൾ പിടിയിൽ. ബിഹാര്‍ മഥെല്‍പുര സുഖാസെന്‍ സ്വദേശികളായ കുന്ദന്‍ മണ്ഡല്‍ (31), കുമോദ് (23) എന്നിവരാണ് പിടിയിലായത്. എസ്‌ഐ രതീഷ് കുമാറിന്‍റെ നേതൃത്വത്തിലുള്ള സംഘം ആണ് കസ്റ്റഡിയിലെടുത്തത്.
അബാന്‍ ജംഗ്ഷനില്‍ പ്രവര്‍ത്തിക്കുന്ന എച്ച്ഡിഎഫ്‌സി ബാങ്കിനു സമീപത്ത് കഞ്ചാവ് പൊതികള്‍ സൂക്ഷിച്ച ബാഗുമായി നില്‍ക്കുകയായിരുന്ന യുവാക്കളാണ് പിടിയിലായത്. ഇവരില്‍ നിന്ന് 2.295 കിലോഗ്രാം കഞ്ചാവ് ആണ് പിടിച്ചെടുത്തത്.
Read Also : ഇടുക്കി ഡാമിൽ ജലനിരപ്പ് വീണ്ടും ഉയർന്നു: തടിയമ്പാട് ചപ്പാത്ത് വെള്ളത്തിനടിയിലായി
കഞ്ചാവിന്‍റെ ഉറവിടം ഉള്‍പ്പെടെയുള്ള കാര്യങ്ങള്‍ അറിയേണ്ടതുണ്ടെന്നും, കസ്റ്റഡിയില്‍ വാങ്ങി പ്രതികളെ കൂടുതല്‍ ചോദ്യം ചെയ്യാന്‍ നിര്‍ദ്ദേശിച്ചിട്ടുണ്ടെന്നും ജില്ലാ പൊലീസ് മേധാവി സ്വപ്നില്‍ മധുകര്‍ മഹാജന്‍ അറിയിച്ചു. പ്രതികളെ കോടതിയിൽ ഹാജരാക്കി.
Post Your Comments