മുട്ടം: സാമ്പത്തിക തര്‍ക്കത്തിന്റെ പേരില്‍ വീട്ടില്‍ അതിക്രമിച്ചു കയറി മൂന്ന് പേര്‍ഷ്യന്‍ പൂച്ചകളെ തട്ടിക്കൊണ്ടുപോയ സംഭവത്തില്‍ തിരുവനന്തപുരം സ്വദേശി പിടിയിൽ. പിടിയിലായ മുട്ടത്തറ മാണിക്കവിളാകം ഭാഗത്ത് ജവഹര്‍ മുസ്ലീം പള്ളിക്ക് സമീപം പുതുവല്‍പുരയിടം വീട്ടില്‍ സിറാജി(25)നെ മുട്ടം സി.ജെ.എം. കോടതി 14 ദിവസത്തേക്ക് റിമാൻഡ് ചെയ്തു.
ഓഗസ്റ്റ് ഒന്നാംതീയതിയാണ് തെങ്ങുംപിള്ളില്‍ ബിലാലിന്റെ വീട്ടില്‍ ഇയാള്‍ അതിക്രമം കാട്ടിയത്. ബിലാലിന്റെ ഭാര്യ ഫാത്തിമയെ തോക്കുചൂണ്ടി ഭീഷണിപ്പെടുത്തി ടി.വി. തല്ലിത്തകര്‍ത്തു. അതിനുശേഷം മൂന്ന് പേര്‍ഷ്യന്‍ പൂച്ചകളെയും കവര്‍ന്നു. ഒടുവിൽ പോലീസിന്റെ അന്വേഷണത്തിൽ മൂന്നു പൂച്ചകളെയും തിരുവനന്തപുരത്തുനിന്ന് കണ്ടെത്തി.
Post Your Comments