വക്രതുണ്ഡ സ്തോത്രം

വക്രതുണ്ഡ സ്തോത്രം

 

ശ്രീഗണേശായ നമഃ ।
ഓം അസ്യ ശ്രീസങ്കഷ്ടഹരണ സ്തോത്ര മന്ത്രസ്യ

ശ്രീമഹാഗണപതിര്‍ദേവതാ,
സംകഷ്ടഹരണാര്‍ഥ ജപേ വിനിയോഗഃ ।
ഓം ഓം ഓംകാരരൂപം ത്ര്യഹമിതി ച പരം യത്സ്വരൂപം തുരീയം ഓംകാരരൂപം ഹിമകരരുചിരം

ത്രൈഗുണ്യാതീതനീലം കലയതി മനസസ്തേജ-സിന്ദൂര-മൂര്‍തിം ।
യോഗീന്ദ്രൈര്‍ബ്രഹ്മരന്ധ്രൈഃ സകല-ഗുണമയം ശ്രീഹരേന്ദ്രേണ സങ്ഗം
ഗം ഗം ഗം ഗം ഗണേശം ഗജമുഖമഭിതോ വ്യാപകം ചിന്തയന്തി ॥ 1॥

വം വം വം വിഘ്നരാജം ഭജതി നിജഭുജേ ദക്ഷിണേ ന്യസ്തശുണ്ഡം
ക്രം ക്രം ക്രം ക്രോധമുദ്രാ-ദലിത-രിപുബലം കല്‍പവൃക്ഷസ്യ മൂലേ ।
ദം ദം ദം ദന്തമേകം ദധതി മുനിമുഖം കാമധേന്വാ നിഷേവ്യം
ധം ധം ധം ധാരയന്തം ധനദമതിഘിയം സിദ്ധി-ബുദ്ധി-ദ്വിതീയം ॥ 2॥

തും തും തും തുങ്ഗരൂപം ഗഗനപഥി ഗതം വ്യാപ്നുവന്തം ദിഗന്താന്‍
ക്ലീം ക്ലീം ക്ലീം കാരനാഥം ഗലിതമദമിലല്ലോല-മത്താലിമാലം ।
ഹ്രീം ഹ്രീം ഹ്രീം കാരപിങ്ഗം സകലമുനിവര-ധ്യേയമുണ്ഡം ച ശുണ്ഡം
ശ്രീം ശ്രീം ശ്രീം ശ്രീം ശ്രയന്തം നിഖില-നിധികുലം നൌമി ഹേരംബബിംബം ॥ 3॥

ലൌം ലൌം ലൌം കാരമാദ്യം പ്രണവമിവ പദം മന്ത്രമുക്താവലീനാം
ശുദ്ധം വിഘ്നേശബീജം ശശികരസദൃശം യോഗിനാം ധ്യാനഗംയം ।
ഡം ഡം ഡം ഡാമരൂപം ദലിതഭവഭയം സൂര്യകോടിപ്രകാശം
യം യം യം യജ്ഞനാഥം ജപതി മുനിവരോ ബാഹ്യമഭ്യന്തരം ച ॥ 4॥

ഹും ഹും ഹും ഹേമവര്‍ണം ശ്രുതി-ഗണിത-ഗുണം ശൂര്‍പകണം കൃപാലും
ധ്യേയം സൂര്യസ്യ ബിംബം ഹ്യുരസി ച വിലസത് സര്‍പയജ്ഞോപവീതം ।
സ്വാഹാ ഹും ഫട് നമോഽന്തൈഷ്ഠ-ഠഠഠ-സഹിതൈഃ പല്ലവൈഃ സേവ്യമാനം
മന്ത്രാണാം സപ്തകോടി-പ്രഗുണിത-മഹിമാധാരമീശം പ്രപദ്യേ ॥ 5॥

പൂര്‍വം പീഠം ത്രികോണം തദുപരി-രുചിരം ഷട്കപത്രം പവിത്രം
യസ്യോര്‍ധ്വം ശുദ്ധരേഖാ വസുദല കമലം വാ സ്വതേജശ്ചതുസ്രം ।
മധ്യേ ഹുങ്കാര ബീജം തദനു ഭഗവതഃ സ്വാങ്ഗഷട്കം ഷഡസ്രേ
അഷ്ടൌ ശക്തീശ്ച സിദ്ധീര്‍ബഹുലഗണപതിര്‍വിഷ്ടരശ്ചാഽഷ്ടകം ച ॥ 6॥

ധര്‍മാദ്യഷ്ടൌ പ്രസിദ്ധാ ദശദിശി വിദിതാ വാ ധ്വജാല്യഃ കപാലം
തസ്യ ക്ഷേത്രാദിനാഥം മുനികുലമഖിലം മന്ത്രമുദ്രാമഹേശം ।
ഏവം യോ ഭക്തിയുക്തോ ജപതി ഗണപതിം പുഷ്പ-ധൂപാ-ഽക്ഷതാദ്യൈ-
ര്‍നൈവേദ്യൈര്‍മോദകാനാം സ്തുതിയുത-വിലസദ്-ഗീതവാദിത്ര-നാദൈഃ ॥ 7॥

രാജാനസ്തസ്യ ഭൃത്യാ ഇവ യുവതികുലം ദാസവത് സര്‍വദാസ്തേ
ലക്ഷ്മീഃ സര്‍വാങ്ഗയുക്താ ശ്രയതി ച സദനം കിങ്കരാഃ സര്‍വലോകാഃ ।
പുത്രാഃ പുത്ര്യഃ പവിത്രാ രണഭുവി വിജയീ ദ്യൂതവാദേഽപി വീരോ
യസ്യേഷോ വിഘ്നരാജോ നിവസതി ഹൃദയേ ഭക്തിഭാഗ്യസ്യ രുദ്രഃ ॥ 8॥

॥ ഇതി സങ്കഷ്ടഹരണം ഗണേശാഷ്ടകം അഥവാ വക്രതുണ്ഡസ്തോത്രം സമ്പൂര്‍ണം ॥