ഡ്രൈഡേയിൽ വീട്ടിൽ മദ്യവിൽപന : യുവാവ് അറസ്റ്റിൽ

അടിമാലി: ഡ്രൈഡേയിൽ വീട്ടിൽ മദ്യം സൂക്ഷിച്ചുവെച്ച് വിൽപന നടത്തിയയാൾ അറസ്റ്റിൽ. തോക്കുപാറ തോപ്പിൽ അജി ബസേലിയോസിനെയാണ് (38) അടിമാലി എക്സൈസ് സംഘം അറസ്റ്റ് ചെയ്തത്.

സമാന കേസുകളിൽ പ്രതിയായി ജയിൽശിക്ഷ അനുഭവിച്ചയാളാണ് ഇയാളെന്ന് എക്സൈസ് സംഘം പറഞ്ഞു. ഇയാളുടെ വീട്ടിലും ഓട്ടോറിക്ഷയിലുമായി സൂക്ഷിച്ചിരുന്ന എട്ടര ലിറ്റർ മദ്യവും ഓട്ടോറിക്ഷയും കസ്റ്റഡിയിലെടുത്തു.

Read Also : കാഴ്ച്ച പരിമിതി നേരിടുന്നവർക്ക് സാമ്പത്തിക സഹായം: ഡൽഹി ഹൈക്കോടതി

എക്സൈസ് ഇൻസ്പെക്ടർ എ. കുഞ്ഞുമോ‍ന്റെ നേതൃത്വത്തിൽ നടത്തിയ പരിശോധനയിലാണ് ഇയാൾ പിടിയിലായത്. പ്രിവന്‍റിവ് ഓഫീസർ വി.പി. സുരേഷ് കുമാർ, സിവിൽ എക്സൈസ് ഓഫീസർമാരായ കെ.എസ്. മീരാൻ, അരുൺ സി. രഞ്ജിത്, കവിദാസ്, നിമിഷ ജയൻ, എസ്.പി. ശരത് എന്നിവർ റെയ്ഡിൽ പങ്കെടുത്തു. അടിമാലി കോടതിയിൽ ഹാജരാക്കി റിമാൻഡ് ചെയ്തു.