കൊറിയർ വഴി മയക്കുമരുന്ന് കടത്ത് : എം.ഡി.എം.എയുമായി യുവാവ് പിടിയിൽ

കോട്ടക്കൽ: കോട്ടക്കലിൽ കൊറിയർ വഴി എത്തിച്ച എം.ഡി.എം.എയുമായി യുവാവ് അറസ്റ്റിൽ. കൈപ്പള്ളിക്കുണ്ട് കുറുന്തലവീട്ടിൽ ഹരികൃഷ്ണൻ (25) ആണ് പിടിയിലായത്.

54 ഗ്രാം എം.ഡി.എം.എ ആണ് ഇയാളിൽ നിന്ന് പിടികൂടിയത്. കോട്ടക്കൽ നഗരത്തിൽ പ്രവർത്തിക്കുന്ന കൊറിയർ സ്ഥാപനത്തിലേക്കാണ് പാർസൽ വന്നത്. ഇത് വാങ്ങാൻ എത്തിയപ്പോഴാണ് പിടിയിലായത്. തുടർന്ന്, ഇയാളുടെ വീട്ടിലും എക്സൈസ് സംഘം പരിശോധന നടത്തി.

Read Also : ദക്ഷിണേന്ത്യയിലെ എൻഎബിഎൽ അംഗീകാരമുള്ള ആദ്യ സ്വകാര്യ ഫോറൻസിക് ലാബ് എന്ന നേട്ടം കൈവരിച്ച് ആലിബൈ

സംസ്ഥാന എക്സൈസ് സ്ക്വാഡ്, മലപ്പുറം എക്സ്സൈസ് ഇന്‍റലിജൻസ് സ്ക്വാഡ്, തിരൂർ എക്സൈസ് സർക്കിൾപാർട്ടി എന്നീ സംഘങ്ങളുടെ നേതൃത്വത്തിലാണ് ഇയാളെ പിടികൂടിയത്. പ്രതിയെ കോടതിയിൽ ഹാജരാക്കി.