അയ്മൻ അൽ സവാഹിരിയെ വധിച്ചു: വധിച്ചത് യുഎസ് ഡ്രോൺ തൊടുത്ത മിസൈൽ

കാബൂൾ: അൽ ഖ്വൈദ തലവൻ അയ്മൻ അൽ സവാഹിരി കൊല്ലപ്പെട്ടു. യുഎസ് സൈന്യമാണ് ലോകത്തിലെ ഏറ്റവും വലിയ ഭീകരസംഘടനയുടെ നേതാവിനെ കൊലപ്പെടുത്തിയത്. മിലിട്ടറി ഡ്രോൺ നടത്തിയ മിസൈൽ ആക്രമണത്തിലാണ് ഇയാൾ കൊല്ലപ്പെട്ടത്. ഡ്രോൺ തൊടുത്ത 2 മിസൈലുകൾ സവാഹിരിയ്ക്കു മേൽ പതിക്കുകയായിരുന്നു.

ഇക്കാര്യം സ്ഥിരീകരിച്ചു കൊണ്ട് രംഗത്തു വന്നത് യുഎസ് പ്രസിഡണ്ട് ജോ ബൈഡനാണ്. വാർത്ത ആദ്യം പ്രസിദ്ധീകരിച്ചത് അന്താരാഷ്ട്ര മാധ്യമമായ റോയിട്ടേഴ്സ് ആണ്. അഫ്ഗാനിസ്ഥാൻ തലസ്ഥാനമായ കാബൂളിൽ നടത്തിയ വ്യോമാക്രമണത്തിലാണ് സവാഹിരി കൊല്ലപ്പെട്ടത്.

Alsoread:ശ്രീ കാളിക അഷ്ടകം

സവാഹിരി കൊല്ലപ്പെട്ടതോടെ നീതി നടപ്പായി എന്ന് ജോ ബൈഡൻ അവകാശപ്പെട്ടു. 2001ൽ, മൂവായിരത്തോളം പേർ കൊല്ലപ്പെട്ട വേൾഡ് ട്രേഡ് സെന്റർ ആക്രമണത്തിന്റെ സൂത്രധാരനാണ് അയ്മൻ അൽ സവാഹിരി. 21 വർഷമായി അമേരിക്ക നടത്തുന്ന വേട്ടയുടെ ഫലപ്രാപ്തിയാണ് ഇത്.