ഇന്ത്യൻ വിപണിയിൽ താരമാകാൻ പെബിൾ ഓറിയോൺ സ്മാർട്ട് വാച്ചുകൾ എത്തി

ഇന്ത്യൻ വിപണി കീഴടക്കാൻ എത്തിയിരിക്കുകയാണ് പെബിൾ ഓറിയോൺ സ്മാർട്ട് വാച്ചുകൾ. വ്യത്യസ്തങ്ങളായ നിരവധി ഫീച്ചറുകൾ ഈ സ്മാർട്ട് വാച്ചിൽ ഉൾക്കൊള്ളിച്ചിരിക്കുന്നതിനാൽ പെബിൾ ഓറിയോൺ സ്മാർട്ട് വാച്ചുകൾക്ക് ആരാധകർ ഏറെയാണ്. ഇവയുടെ ഫീച്ചറുകൾ പരിചയപ്പെടാം.

1.81 ഇഞ്ച് ഫുൾ എച്ച്ഡി പ്ലസ് ഡിസ്പ്ലയാണ് ഈ സ്മാർട്ട് വാച്ചുകൾക്ക് നൽകിയിരിക്കുന്നത്. 240×286 ആണ് റെസലൂഷൻ. സിങ്കിന്റെ കൂട്ടുകൾ കൊണ്ട് നിർമ്മിച്ചിട്ടുള്ള ബോഡിയും ചതുരാകൃതിയിലുള്ള ഡയലുമുളള മികച്ച ഡിസൈൻ തന്നെയാണ് ഈ സ്മാർട്ട് വാച്ചുകൾക്ക് ഉള്ളത്. കൂടാതെ, ഈർപ്പത്തിന്റെ അംശം ഇല്ലാതാക്കാൻ സ്പീക്കർ ക്ലീനർ നൽകിയിട്ടുണ്ട്. ബ്ലൂടൂത്ത് കോളിംഗ് സംവിധാനം ഉൾപ്പെടുത്തിയിട്ടുണ്ട്. ബ്ലൂടൂത്ത് വി5.1 കണക്ടിവിറ്റിയാണ് ഉള്ളത്. 260 എംഎഎച്ച് ബാറ്ററി ലൈഫ് കാഴ്ചവയ്ക്കുന്നുണ്ട്.

Also Read: രാജ്യത്ത് ബാങ്ക് നിക്ഷേപങ്ങളിൽ വൻ വർദ്ധനവ്, പുതിയ കണക്കുകൾ പുറത്തുവിട്ട് ആർബിഐ

ഇൻബിൽറ്റ് ഗെയിം, എഐ വോയിസ് സഹായം എന്നിവ ലഭ്യമാണ്. രക്തസമ്മർദ്ദം നിരീക്ഷിക്കാനും ഹൃദയമിടിപ്പ് ട്രാക്ക് ചെയ്യാനും ഓക്സിജന്റെ അളവ് നിരീക്ഷിക്കാനുമുളള സംവിധാനങ്ങൾ ഒരുക്കിയിട്ടുണ്ട്.