എക്സ്പ്രസ്സ് വേയിൽ ബസുകൾ കൂട്ടിയിടിച്ചു: എട്ട് മരണം, നിരവധി പേർക്ക് പരിക്ക്

ലക്നൗ: ഉത്തർ പ്രദേശിൽ ബസ്സുകൾ കൂട്ടിയിടിച്ച് ഉണ്ടായ അപകടത്തിൽ എട്ടു പേർ കൊല്ലപ്പെട്ടു. മരണസംഖ്യ ഇനിയും ഉയർന്നേക്കാം എന്നാണ് സൂചന.

തിങ്കളാഴ്ച പുലർച്ചെ, യുപിയിലെ പൂർവാഞ്ചൽ എക്സ്പ്രസ് ഹൈവേയിലാണ് അപകടമുണ്ടായത്. ഡൽഹി-ബീഹാർ റൂട്ടിൽ സർവീസ് നടത്തുകയായിരുന്ന രണ്ട് ഡബിൾ ഡെക്കർ പ്രൈവറ്റ് ബസ്സുകൾ കൂട്ടിയിടിക്കുകയായിരുന്നു. ലോനി കത്ര പോലീസ് സ്റ്റേഷൻ പരിധിയിലെ നാരായൺപൂർ ഗ്രാമത്തിലാണ് അപകടമുണ്ടായത്.

Also read: ആളുമാറി നാട്ടുകാർ ചീത്ത വിളിക്കുന്നു: 20 കോടി പൂഴ്ത്തിയ അർപ്പിത താനല്ലെന്ന് ഗായിക അർപ്പിത മുഖർജി

അപകടത്തെ തുടർന്ന് സ്ഥലത്തെത്തിയ നാട്ടുകാർ രക്ഷാപ്രവർത്തനം ആരംഭിച്ചു. വൈകാതെ സ്ഥലത്തെത്തിയ പോലീസും ഫയർഫോഴ്സും ചേർന്ന് പരിക്കേറ്റവരെ ആശുപത്രിയിൽ എത്തിക്കുകയായിരുന്നു. ഡോക്ടറുടെ നിർദ്ദേശാനുസരണം നിരവധി പേരെ ലക്നൗ ട്രോമ സെന്ററിലേക്ക് മാറ്റിയിട്ടുണ്ട്.