ലുലുമാളിന് പുറകെ പ്രയാഗ്‌രാജ് റെയിൽവേ സ്റ്റേഷനിലും നിസ്കാരം: വീഡിയോ പുറത്ത്

പ്രയാഗ്‌രാജ് : യുപിയിൽ ലുലു മാളിൽ നിസ്കാരം നടത്തിയതിന് പിന്നാലെ പ്രയാഗ്‌രാജ് റെയിൽവേ സ്റ്റേഷനിലും നിസ്കാരം. റെയിൽവേ സ്റ്റേഷനിൽ നിസ്കരിക്കുന്ന പത്ത് പേരുടെ വീഡിയോയാണ് പുറത്ത് വന്നിരിക്കുന്നത്. കഴിഞ്ഞ ദിവസം രാത്രിയിലാണ് നിസ്കാരം നടന്നതെന്ന റിപ്പോർട്ടുകളാണ് പുറത്തു വന്നത്.

റെയിൽവേ സ്റ്റേഷനിലെ വിശ്രമമുറിയിൽ പത്ത് പേർ നിസ്കരിക്കുന്ന ദൃശ്യങ്ങളാണ് ഈ വീഡിയോയിലുള്ളത്. സംഭവത്തെ തുടർന്ന് പോലീസ് അന്വേഷണം ആരംഭിച്ചു. നിസ്കരിച്ചവർക്കെതിരെ ശക്തമായ നടപടി സ്വീകരിക്കുമെന്ന് റെയിൽവേ അധികൃതർ അറിയിച്ചു.

Also read: ‘യഥാർത്ഥത്തിൽ പുടിന്…’: ആരോഗ്യാവസ്ഥ വെളിപ്പെടുത്തി സിഐഎ മേധാവി

അതേസമയം, ലുലു മാളിൽ നിസ്കരിച്ചവരെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. അറസ്റ്റിലായവർ എല്ലാം തന്നെ മദ്രസയുമായി ബന്ധം പുലർത്തുന്നവരാണ് എന്ന് പോലീസ് വ്യക്തമാക്കി. 4 പേരെയാണ് പോലീസ് അറസ്റ്റ് ചെയ്തത്.