കുടുംബാഭിവൃദ്ധിയ്‌ക്ക് ജപിക്കാം ശ്രീകൃഷ്ണാഷ്ടകം

ശ്രീകൃഷ്ണ ജന്‍മാഷ്ടമീ
നിത്യാനന്ദൈകരസം
സച്ചിന്‍മാത്രം സ്വയംജ്യോതിഃ ।പുരുഷോത്തമമജമീശം
വന്ദേശ്രീയാദവാധീശം

യത്രഗായന്തി മദ്ഭക്താഃ തത്ര തിഷ്ഠാമി നാരദ ।
ശ്രീ കൃഷ്ണാഷ്ടക – ശംകര ഭാഗവതപാദ
ഭജേ വ്രജൈകമണ്ഡനം സമസ്തപാപഖണ്ഡനം
സ്വഭക്തചിത്തരംജനം സദൈവ നന്ദനന്ദനം സുപിച്ഛഗുച്ഛമസ്തകം സുനാദവേണുഹസ്തകം
അനംഗരംഗസാഗരം നമാമി കൃഷ്ണനാഗരം

മനോജഗര്‍വമോചനം വിശാലലോലലോചനം
വിധൂതഗോപശോചനം നമാമി പദ്മലോചനം ।
കരാരവിന്ദഭൂധരം സ്മിതാവലോകസുന്ദരം
മഹേന്ദ്രമാനദാരണം നമാമി കൃഷ്ണാവാരണം

കദംബസൂനകുണ്ഡലം സുചാരുഗണ്ഡമണ്ഡലം
വ്രജാംഗനൈകവല്ലഭം നമാമി കൃഷ്ണദുര്ലഭം ।
യശോദയാ സമോദയാ സഗോപയാ സനന്ദയാ
യുതം സുഖൈകദായകം നമാമി ഗോപനായകം

സദൈവ പാദപംകജം മദീയ മാനസേ നിജം
ദധാനമുക്തമാലകം നമാമി നന്ദബാലകം ।
സമസ്തദോഷശോഷണം സമസ്തലോകപോഷണം
സമസ്തഗോപമാനസം നമാമി നന്ദലാലസം

ഭുവോ ഭരാവതാരകം ഭവാബ്ധികര്‍ണധാരകം
യശോമതീകിശോരകം നമാമി ചിത്തചോരകം
ദൃഗന്തകാന്തഭംഗിനം സദാ സദാലിസംഗിനം
ദിനേ ദിനേ നവം നവം നമാമി നന്ദസംഭവം

ഗുണാകരം സുഖാകരം കൃപാകരം കൃപാപരം
സുരദ്വിഷന്നികന്ദനം നമാമി ഗോപനന്ദനം
നവീനഗോപനാഗരം നവീനകേലിലമ്പടം
നമാമി മേഘസുന്ദരം തഡിത്പ്രഭാലസത്പടം

സമസ്തഗോപനന്ദനം ഹൃദംബുജൈകമോദനം
നമാമി കുംജമധ്യഗം പ്രസന്നഭാനുശോഭനം ।
നികാമകാമദായകം ദൃഗന്തചാരുസായകം
രസാലവേണുഗായകം നമാമി കുംജനായകം

വിദഗ്ധഗോപികാമനോമനോജ്ഞതല്‍പശായിനം
നമാമി കുംജകാനനേ പ്രവ്രദ്ധവന്‍ഹിപായിനം ।
കിശോരകാന്തിരംജിതം ദൃഅഗംജനം സുശോഭിതം
ഗജേന്ദ്രമോക്ഷകാരിണം നമാമി ശ്രീവിഹാരിണം

യദാ തദാ യഥാ തഥാ തഥൈവ കൃഷ്ണസത്കഥാ
മയാ സദൈവ ഗീയതാം തഥാ കൃപാ വിധീയതാം ।
പ്രമാണികാഷ്ടകദ്വയം ജപത്യധീത്യ യഃ പുമാന
ഭവേത്സ നന്ദനന്ദനേ ഭവേ ഭവേ സുഭക്തിമാന

ഇതി ശ്രീമച്ഛംകരാചാര്യകൃതം
ശ്രീകൃഷ്ണാഷ്ടകം സമ്പൂര്‍ണം..!