ഗ്രഹങ്ങൾ അനുകൂലമാകാൻ ജപിക്കാം കാര്‍ത്തികേയ അഷ്ടകം

ഓം ശ്രീഗണേശായ നമഃ ।

നമോസ്തു വൃന്ദാരകവൃന്ദവന്ദ്യ
പാദാരവിന്ദായ സുധാകരായ
ഷഡാനനായാമിതവിക്രമായ ഗൌരീഹൃദാനന്ദസമുദ്ഭവായ

നമോസ്തു തുഭ്യം പ്രണതാര്‍തിഹന്ത്രേ
കര്‍ത്രേ സമസ്തസ്യ മനോരഥാനാം
ദാത്രേ രഥാനാം പരതാരകസ്യ ഹന്ത്രേ പ്രചണ്ഡാസുരതാരകസ്യ

അമൂര്‍തമൂര്‍തായ സഹസ്രമൂര്‍തയേ
ഗുണായ ഗണ്യായ പരാത്പരായ
അപാരപാരായ പരാപരായ
നമോസ്തു തുഭ്യം ശിഖിവാഹനായ

നമോസ്തു തേ ബ്രഹ്മവിദാം വരായ ദിഗംബരായാംബരസംസ്ഥിതായ
ഹിരണ്യവര്‍ണായ ഹിരണ്യബാഹവേ നമോ ഹിരണ്യായ ഹിരണ്യരേതസേ

തപഃ സ്വരൂപായ തപോധനായ
തപഃ ഫലാനാം പ്രതിപാദകായ
സദാ കുമാരായ ഹി മാരമാരിണേ തൃണീകൃതൈശ്വര്യവിരാഗിണേ നമഃ

നമോസ്തു തുഭ്യം ശരജന്‍മനേ വിഭോ പ്രഭാതസൂര്യാരുണദന്തപങ്ക്തയേ
ബാലായ ചാബാലപരാക്രമായ ഷാണ്‍മാതുരായാലമനാതുരായ

മീഢുഷ്ടമായോത്തരമീഢുഷേ നമോ നമോ ഗണാനാം പതയേ ഗണായ
നമോസ്തു തേ ജന്‍മജരാതിഗായ നമോ വിശാഖായ സുശക്തിപാണയേ

സര്‍വസ്യ നാഥസ്യ കുമാരകായ
ക്രൌഞ്ചാരയേ താരകമാരകായ
സ്വാഹേയ ഗാങ്ഗേയ ച കാര്‍തികേയ ശൈവേയ തുഭ്യം സതതം നമോസ്തു