‘എന്റെ നല്ല പകുതി, പങ്കാളി’: സുസ്മിത സെന്നിനൊപ്പം പുതിയ തുടക്കം പ്രഖ്യാപിച്ച് ലളിത് മോദി

ലണ്ടൻ: ബോളിവുഡ് താരം സുസ്മിത സെന്നിനൊപ്പം ഒരു ‘പുതിയ തുടക്കം’ പ്രഖ്യാപിച്ച് മുൻ ഐ.പി.എൽ ചെയർമാൻ ലളിത് മോദി. ട്വിറ്ററിലൂടെ ലളിത് മോഡി തന്നെയാണ് വാർത്ത പുറത്തുവിട്ടത്.

‘കുടുംബത്തിനൊപ്പം ഒരു ആഗോള പര്യടനത്തിന് ശേഷം ലണ്ടനിൽ തിരിച്ചെത്തി. ചന്ദ്രനു മുകളിലൂടെ’ എന്ന് ലളിത് മോദി ട്വീറ്റ് ചെയ്തു.

Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. ?????????? pic.twitter.com/Vvks5afTfz

— Lalit Kumar Modi (@LalitKModi) July 14, 2022

എന്നാൽ, ഇരുവരും ‘വെറും ഡേറ്റിംഗിലാണെന്ന്’ ലളിത് മോദി ഉടൻ തന്നെ മറ്റൊരു ട്വീറ്റിലൂടെ വ്യക്തമാക്കി. ‘വ്യക്തതയ്ക്കായി. വിവാഹിതനല്ല – പരസ്പരം ഡേറ്റിംഗ് മാത്രം. അതും ഒരു ദിവസം സംഭവിക്കും,’ ലളിത് മോദി പറഞ്ഞു.

Just for clarity. Not married – just dating each other. That too it will happen one day. ???????? pic.twitter.com/Rx6ze6lrhE

— Lalit Kumar Modi (@LalitKModi) July 14, 2022

നികുതി വെട്ടിപ്പ്, കള്ളപ്പണം വെളുപ്പിക്കൽ തുടങ്ങിയ കേസുകളിൽ അന്വേഷണം നടക്കുന്നതിനിടെ ഇന്ത്യ വിട്ട ലളിത് മോദി 2010 മുതൽ ലണ്ടനിലാണ് സ്ഥിരതാമസം.

1994ൽ മിസ് യൂണിവേഴ്സ് കിരീടം നേടിയ സുസ്മിത സെൻ, 1996ൽ ‘ദസ്തക്’ എന്ന ചിത്രത്തിലൂടെ ബോളിവുഡിൽ അരങ്ങേറ്റം കുറിച്ചു. ‘ബീവി നമ്പർ 1’, ‘മേനേ പ്യാർ ക്യൂൻ കിയ’, ‘മേം ഹൂ നാ’, ‘നോ പ്രോബ്ലം’ തുടങ്ങിയ ചിത്രങ്ങളിൽ സുസ്മിത സെൻ പ്രധാന കഥാപാത്രത്തെ അവതരിപ്പിച്ചിരുന്നു.