ബെംഗളൂരു: കന്നഡ നടൻ ശിവരഞ്ജൻ ബോലന്നവർക്കുനേരെ അജ്ഞാതരുടെ വധശ്രമം. ചൊവ്വാഴ്ച രാത്രി എട്ടോടെയാണ് ബൈക്കിലെത്തിയ രണ്ടുപേർ ശിവരഞ്ജനു നേരെ വെടിയുതിർത്തത്. അദ്ദേഹം പരുക്കില്ലാതെ രക്ഷപ്പെട്ടു. ബെലഗാവിയിൽ ശിവരഞ്ജന്റെ മാതാപിതാക്കളുടെ വീടിനുമുന്നിലാണ് വെടിവെപ്പുണ്ടായത്.
വീട്ടിലേക്കു കയറുന്നതിനിടെ ബൈക്കിലെത്തിയവർ വെടിവെക്കുകയായിരുന്നു. മൂന്നു റൗണ്ട് വെടിയുതിർത്തശേഷം ഇവർ ബൈക്കിൽ രക്ഷപ്പെട്ടു. സ്വത്തു തർക്കമാണ് വെടിവെപ്പിൽ കലാശിച്ചതെന്നാണ് പ്രാഥമിക നിഗമനം. സംഭവത്തിൽ അന്വേഷണം തുടങ്ങിയതായും പ്രതികളെക്കുറിച്ച് സൂചനകൾ ലഭിച്ചതായും ബെലഗാവി എസ്.പി. സഞ്ജീവ് പാട്ടീൽ പറഞ്ഞു.
Post Your Comments